គ្រាន់តែរូបភាព Lee Minho នៅព្រលានយន្តហោះប៉ុន្មានសន្លឹក ធ្វើឱ្យអ្នកគាំទ្រលាន់មាត់សរសើរមិនស្ទើរ

កូរ៉េខាងត្បូង៖ តារាសម្តែងប្រុសដែលមានរូបរាងសង្ហា និងស្នាមញញឹមដ៏មានមន្តស្នេហ៍ Lee Minhoបានធ្វើឱ្យអ្នកគាំទ្រស្រីៗជាច្រើនលង់នឹងតារាដែលមានរាងខ្ពស់ស្រឡះម្នាក់នេះមិនតិចឡើយ។

ក្រោយបញ្ចប់ការហ្វឹកហាត់ទានហាន Lee Minho ក៏បានចាប់ផ្តើមការងារសិល្បៈភ្លាម ដោយលោក បានទទួលការងារដូចជាថតទស្សនាវដ្តី ចូលរួមកម្មវិធីបង្ហាញម៉ូត និង បានចុះកិច្ចសន្យាក្នុងការសម្តែងភាពយន្តផងដែរ។

ហើយកាលពីម្សិលមិញនេះដែរ វត្តមានរបស់លោកនៅព្រលានយន្តហោះអ៊ីនឈុននាប្រទេសកូរ៉េ ពិតជាទទួលបានការចាប់អារម្មណ៍ជាខ្លាំង ជាមួយនឹងការតុបតែងខ្លួនសាមញ្ញ ប៉ុន្តែមើលទៅហាក់ទាក់ទាញខ្លាំង ហើយដំណើរលើកនេះដែរ លោក នឹងហោះទៅប្រទេសឥណ្ឌូណេស៊ី ដើម្បីថតរូបសម្រាប់ទស្សនាវដ្តីថ្មី៕

ប្រែសម្រួល៖ គង់ ចាន់ស្រីនុច