រំភើបក្រៃលែង! CBS ទទួលសិទ្ធិផ្សាយបន្តផ្ទាល់ជំនួបរវាង អ៊ីរ៉ង់ ទល់នឹង កម្ពុជា

ភ្នំពេញ៖ ក្រុមហ៊ុន CBS ប្រកាសជូនដំណឹងដល់ប្រិយមិត្ត ដែលជាអ្នកគាំទ្រក្រុមបាល់ទាត់គោព្រៃកម្ពុជា ឱ្យបានជ្រាបថា សហព័ន្ធកីឡាបាល់ទាត់ពិភពលោក FIFA បានផ្តល់សិទ្ធិដល់ស្ថានីយទូរទស្សន៍ CTN ក្នុងការផ្សាយបន្តផ្ទាល់ការប្រកួតវគ្គជម្រុះជុំទី២ ទ្វីបអាស៊ី ពូល C ពានរង្វាន់ FIFA World Cup Qatar 2022 រវាងក្រុមម្ចាស់ផ្ទះជម្រើសជាតិ អ៊ីរ៉ង់ ទល់នឹងក្រុមជម្រើសជាតិ កម្ពុជា នាថ្ងៃព្រហស្បតិ៍ ទី១០ ខែតុលា ឆ្នាំ២០១៩ វេលាម៉ោង ២០:៣០ នាទី។

លោកអ្នក នឹងបានទស្សនាការប្រកួតដែលមានកម្រិតគុណភាពរូបភាព HD ច្បាស់ត្រជាក់ភ្នែក លើកញ្ចក់ទូរទស្សន៍ រួមជាមួយក្រុមការងារអត្ថាធិប្បាយ ដែលមានវិជ្ជាជីវៈលើផ្នែកកីឡារបស់ CBS ។

សូមរង់ចាំតាមដានទស្សនា និងចូលរួមផ្តល់កម្លាំងចិត្តដល់ក្រុមគោព្រៃកម្ពុជាយើង តាមរយៈកញ្ចក់ទូរទស្សន៍ CTN ឱ្យបានគ្រប់ៗគ្នា។ សូមអរគុណ ៕

រូបថត៖ សហព័ន្ធកីឡាបាល់ទាត់កម្ពុជា