ទូតអាមេរិក ផ្ដល់ឈាមដល់មជ្ឈមណ្ឌលផ្ដល់ឈាមខេត្តសៀមរាប

សៀមរាប៖ យោងតាមស្ថានទូតអាមេរិកប្រចាំកម្ពុជា បានឱ្យនៅថ្ងៃទី១៧ ខែតុលា ឆ្នាំ២០១៩ នេះថា លោក ឯកអគ្គរដ្ឋទូតអាមេរិក Patrick Murphy រួមទាំងបុគ្គលិកស្ថានទូតអាមេរិក បានសហការគ្នាធ្វើការផ្ដល់ឈាមចំនួនជាង ៤០ កំប្លោក ដល់មជ្ឈមណ្ឌលផ្ដល់ឈាមកម្ពុជា កាលពីពេលថ្មីៗនេះ។

លោក Patrick Murphy បានផ្ដល់ឈាមដល់មជ្ឈមណ្ឌលផ្ដល់ឈាមខេត្តសៀមរាប ដែលទទួលការគាំទ្រពីក្រសួងការពារជាតិអាមេរិក មជ្ឈមណ្ឌលបង្ការនិងកម្ចាត់ជំងឺអាមេរិក និងកាតបាទក្រហមប្រទេសអូស្ត្រាលី។

លោកឯកអគ្គរដ្ឋទូត បានមានប្រសាសន៍តំណាងឱ្យបុគ្គលិកស្ថានទូតអាមេរិកជាច្រើន ថា៖ “ខ្ញុំតែងតែសប្បាយចិត្តក្នុងការផ្តល់ឈាមដល់អ្នកដែលត្រូវការវា។ នៅថ្ងៃណាមួយ យើងទាំងអស់គ្នាអាចនឹងត្រូវការវា”៕

អត្ថបទ៖ ចាន់ សោភ័ណ្ឌលាភ