តារាចម្រៀង៤ដួង ច្រៀងបទ “កម្ពុជា ដែនដីសុវណ្ណភូមិ” រួមគ្នាពិរោះឡើងកប់ស៊េរី

ភ្នំពេញ៖ បន្ទាប់ពីស្ងាត់មួយរយៈមក ស្រាប់តែពេលថ្មីៗនេះ ក៏បានលេចមុខមកសារជាថ្មីនៅវត្តមានតារាចម្រៀង លោក ណាំ ប៉ុណ្ណារ័ត្ន និង លោក សាន ផានិត ចាប់ដៃគ្នាជាមួយតារាសម្តែង វីជី វ័ន្ត និងលោក លី យុាំង បានចេញនៅបទចម្រៀងរួមគ្នាមួយដែលបង្កប់អត្ថន័យ ឆ្លុះបញ្ចាំងពីប្រទេសកម្ពុជាជាប្រទេសមួយដ៏អច្ឆរិយ ដែលសម្បូរទៅដោយធនធានធម្មជាតិ ពិសេសប្រាសាទបូរាណ បទចម្រៀងនោះមានចំណងជើងថា “កម្ពុជា ដែនដីសុវណ្ណភូមិ”។

បទចម្រៀង “កម្ពុជា ដែនដីសុវណ្ណភូមិ” ជាស្នាដៃនិពន្ធ ដោយ លោក លី យុាំង ចំពោះការនិពន្ធបទភ្លេងដោយ ព្រឹទ្ធាចារ្យ ឯល ប៊ុណ្ណា ហើយសម្រួលតន្ត្រីដោយ លោក ណាំ ប៉ុណ្ណារ័ត្នដែលជាកូនប្រុសបង្កើត។ ការច្រៀងរួមគ្នារបស់តារាចម្រៀងទាំងបួន បានធ្វើឱ្យមហាជនជាច្រៀងស្ងើចសរសើរគ្រប់ៗគ្នា នៅបទចម្រៀងមួយនេះ ដែលរៀបរាប់ពីប្រវត្តិរបស់កម្ពុជាជាប្រទេសមួយដែលបរទេសមិនអាចមើលស្រាលបាន៕

សូមទស្សនាវីដេអូ៖

អត្ថបទ៖ ឡុង រតនា