ព្រះមហាក្សត្រកម្ពុជា យាងចូលរួមព្រះរាជពិធីរាជាភិសេកព្រះចៅអធិរាជថ្មីរបស់ជប៉ុន

ភ្នំពេញ៖ ព្រះមហាក្សត្រកម្ពុជា ព្រះករុណា ព្រះបាទ សម្តេចព្រះបរមនាថ នរោត្តម សីហមុនី កាលពីថ្ងៃទី២១ ខែតុលា ឆ្នាំ២០១៩ បានចាកចេញពីប្រទេសកម្ពុជា ដើម្បីចូលរួមព្រះរាជពិធីរាជាភិសេក ព្រះចៅអធិរាជថ្មីរបស់ប្រទេសជប៉ុន គឺ ព្រះចៅអធិរាជ Naruhito ។ ព្រះចៅអធិរាជថ្មីនៃប្រទេសជប៉ុន Naruhito បានឡើងគ្រងរាជសម្បត្តិ កាលពីថ្ងៃទី០១ ខែឧសភាកន្លងទៅ បន្ទាប់ពីព្រះបិតារបស់ទ្រង់ Akihito មានព្រះជន្ម ៨៥ព្រះវស្សា បានសម្រេចព្រះទ័យដាក់រាជ្យ ដោយសារតែបញ្ហាព្រះរាជសុខភាព។

សូមជម្រាបថា ព្រះរាជពិធីរាជាភិសេកផ្លូវការរបស់ព្រះចៅអធិរាជថ្មីរបស់ជប៉ុន នឹងធ្វើឡើងតាមប្រពៃណីជប៉ុន នៅថ្ងៃទី២២ ខែតុលា ឆ្នាំ២០១៩៕