គណនីរបស់រដ្ឋមន្ត្រីព័ត៌មាន ត្រូវជនខិលខូចលួចចូលប្លុក

ភ្នំពេញ៖ យោងតាមការបញ្ជាក់ពីរដ្ឋមន្ត្រីក្រសួងព័ត៌មាន លោក ខៀវ កាញារីទ្ធ នៅព្រឹកថ្ងៃទី២៨ ខែតុលា ឆ្នាំ២០១៩ បានឱ្យដឹងថា លោកទើបតែទទួលបានគណនីហ្វេសប៊ុករបស់គាត់ ត្រឡប់មកវិញ បន្ទាប់ពីមានអន្តរាគមន៍ពីក្រុមហ៊ុនហ្វេសប៊ុក ដែលជួយ Unblock គណនីរបស់គាត់ ដែលត្រូវបានជនពាលនាំគ្នាប្លុក ព្រោះតែគាត់ និយាយការពិតពីរឿងព្រំដែន។

លោករដ្ឋមន្ត្រីបន្តថា នៅម៉ោង ១១ ក្រោយពីការទទួលជាផ្លូវការប្រធានាធិបតី ហុងគ្រី នៅព្រះបរមរាជវាំង លោកនឹងជួបអ្នកកាសែតមួយចំនួន ដើម្បីនិយាយពីការចូលរួមរបស់បណ្ដាញទំនាក់ទំនងសង្គម ពិសេស ហ្វេសប៊ុក ដែលមានប្រជាប្រិយភាព ក្នុងចំណោមអ្នកប្រើប្រាស់នៅក្នុងប្រទេសកម្ពុជា ដើម្បីធ្វើឱ្យយ៉ាងណា កម្ចាត់ព័ត៌មានក្លែងក្លាយ (Fake News) ហើយការពារអ្នកបើកកកាយរឿងពិត (Whistleblower) មិនឱ្យគេប្លុកគណនីខ្លួនបាន៕

ប្រភព៖ Kanharith Khieu

អត្ថបទ៖ ចាន់ សោភ័ណ្ឌលាភ