Connect with us

Zidane បង្ហើបថា Bale មិនដែលស្នើសុំចាកចេញពី Real Madrid ឡើយ

អេស៉្បាញ៖ ខ្សែប្រយុទ្ធក្រុមជម្រើសជាតិវេលស៍ កីឡាករ Gareth Bale មិនដែលនិយាយពីការចាកចេញពី Real Madrid ទេ។ នេះបើតាមសម្តីរបស់គ្រូបង្វឹក Real លោក Zinedine Zidane ។

កីឡាករវ័យ ៣០ឆ្នាំ គ្រោងនឹងចូលរួមជាមួយ Jiangsu Suning នៅរដូវក្តៅ ប៉ុន្តែកិច្ចព្រមព្រៀងនេះបានបរាជ័យនៅពេលដែល Real ចង់ឱ្យក្លិបចិនបង់ថ្លៃផ្ទេរ។ ចាប់តាំងពីពេលនោះមក Bale បានលេងការប្រកួតឱ្យក្លិបបាន ៧លើកនៅឆ្នាំ ២០១៩-២០ ដោយរកបាន ២គ្រាប់។

លោក Zidane បាននិយាយថា៖ «ប្រសិនបើគាត់អាចហ្វឹកហាត់ គាត់ហ្វឹកហាត់ហើយ ប្រសិនបើគាត់អាចលេង គាត់នឹងលេង។ តាមពិត Bale លេងបានជាច្រើនប្រកួត ហើយមិនដែលនិយាយពីការចាកចេញទេ។ ផ្ទុយទៅវិញគាត់ គឺជាកីឡាករម្នាក់ដែលខិតខំប្រឹងប្រែង និងហ្វឹកហាត់បានល្អ និងជាអ្នកសំខាន់សម្រាប់ក្រុមនេះ និងក្លឹប»៕

    Loading...

    ពេញនិយម