បុគ្គលិកគណនេយ្យម្នាក់ត្រូវចាប់ខ្លួនដោយសារប្រើប្រាស់ការចងចាំដើម្បីលួចព័ត៌មានពីកាតឥណទានរបស់ភ្ញៀវ

ជប៉ុន៖ បុគ្គលិកធ្វើការក្រៅម៉ោងផ្នែកគណនេយ្យម្នាក់ត្រូវបានឃាត់ខ្លួនដោយសារលួចព័ត៌មានកាតឥណទានរបស់ភ្ញៀវដោយប្រើប្រាស់ការចងចាំដើម្បីកត់ទុកនូវព័ត៌មាន។ ជនសង្ស័យដែលមានឈ្មោះ Yusuke Taniguchi បានចងចាំឈ្មោះជនរងគ្រោះ លេខ១៦ខ្ទង់របស់កាតឥណទាន លេខសម្ងាត់ និង ថ្ងៃខែដែលផុតកំណត់ និង បានកត់ទុកព័ត៌មានទាំងអស់ក្នុងសៀវភៅសរុបដែលចំនួនសរុបមានរហូតដល់១៣០០ឯណោះ។

Yusuke ទទួលស្គាល់ថា លោកពិតជាបានប្រើប្រាស់កាតទាំងនោះដើម្បីទិញទំនិញអនឡាញជាច្រើន និង ការចំណាយប្រចាំថ្ងៃពិតមែន។ ក្រុមមន្ត្រីប៉ូលិសបានឱ្យដឹងថា Yusuke ក៏បានប្រើប្រាស់កាតឥណទានទាំងនោះទិញកាបូបស្ពាយ២ដែលមានតម្លៃ ២៦០០ ដុល្លារ និង កំណត់ទីតាំងដឹកជញ្ជូនទៅអាស័យដ្ឋានរបស់លោក បច្ចុប្បន្នប៉ូលិសបានរឹបអូសសៀវភៅដែលផ្ទុកព័ត៌មានកាតឥណទានរបស់ជនរងគ្រោះ និង ធ្វើការឃាត់ខ្លួន Yusuke ជាផ្លូវការ៕

ប្រែសម្រួល៖ គង់ ចាន់ស្រីនុច