Connect with us

Guti នឹងក្លាយជាគ្រូបង្វឹកក្រុមអាជីពដំបូង បន្ទាប់ពីចំណាយពេលដឹកនាំក្រុមយុវជននៅ Real Madrid

អេស៉្បាញ៖ អតីតខ្សែបម្រើក្រុមអធិរាជស Real Madrid លោក Guti នឹងក្លាយជាគ្រូបង្វឹកក្រុមអាជីពជាលើកដំបូង បន្ទាប់ពីគាត់បានចំណាយពេលដឹកនាំក្រុមយុវជននៅឯ Real Madrid ក៏ដូចជាធ្វើជំនួយការរបស់លោក Senol Gunes នៅ Besiktas។

បុរសវ័យ ៤៣ឆ្នាំរូបនេះ នឹងទទួលការងារអាជីពដំបូងដែលគេជឿថា ជាគ្រូបង្វឹកថ្មីរបស់ក្លិប Almeria ។ ក្រុមរហស្សនាម Indalicos មិនទាន់បានប្រកាសជាផ្លូវការនូវអ្នកជំនួសកន្លែងរបស់លោក Pedro Emanuel ដែលបានចាកចេញពីក្លិប កាលពីល្ងាចថ្ងៃចន្ទ នៅឡើយទេ។ ទោះយ៉ាងណា ប៉ុន្មាននាទីបន្ទាប់ពីការប្រកាសពីការចាកចេញរបស់ Emanuel ក្លិបក៏បានបង្ហាញពីការគាំទ្រយ៉ាងខ្លាំងទាក់ទងនឹងអ្នកជំនួស។

ម្ចាស់ក្លិប Almeria  លោក Turki Al-Sheikh ក៏បានបង្ហោះរូបថតមួយសន្លឹកនៅលើគណនីបណ្តាញសង្គមរបស់លោក ដោយមានចំណងជើងថា៖ “ជាមួយក្រុម Real Madrid និងក្រុមជម្រើសជាតិអេស្ប៉ាញ” ផងដែរ៕

Trollkhmer

 

    Loading...

    ពេញនិយម