Connect with us

មកមើលប្រុសតូច Charlie របស់អ្នកនាង ឱក សុគន្ធកញ្ញា ពិតជាគួរឱ្យខ្នាញ់ខ្លាំងណាស់

Chalie ពិតជាស្អាត ហើយគួរឱ្យខ្នាញ់ថែមទៀត

ភ្នំពេញ៖ កាលពីម្សិលមិញកំពូលតារាចម្រៀងដ៏ល្បី ស្រស់សោភា សម្លេងក្រអួន អ្នកនាង ឱក សុគន្ធកញ្ញា បានសម្រាលបានកូនប្រុសមួយ នេះជាសមាជិកដំបូងគេសម្រាប់អ្នកនាងក្នុងឆាកជីវិត ដែលធ្វើឱ្យអ្នកនាងមានភាពរីករាយ រកអ្វីផ្ទឹមមិនបាន។ កូនដំបូងរបស់អ្នកនាង ឱក សុគន្ធកញ្ញា មានឈ្មោះថា “ឆាលី” Charlie សម្រាលនៅថ្ងៃ១១ ខែវិច្ឆិកា ឆ្នាំ២០១៩ វេលម៉ោង ១:៣១ថ្ងៃត្រង់ ទម្ងន់ ៣,៧៥គីឡូក្រាម នេះជាព័ត៌មានមួយធ្វើឱ្យប្រិយមិត្តដែលជាហ្វេនរបស់អ្នកនាង កំពុងចាប់អារម្មណ៍ នឹងតាមដាននៅការសម្រាលកូនរបស់អ្នកនាង ឱក សុគន្ធកញ្ញា ហើយក៏មានហ្វេនមួយចំនួនបានជូនពរដល់ Idol របស់ខ្លួន សូមឱ្យមានសុខភាពល្អផងដែរ។

គ្រាន់តែសម្រាលកូនមិនបានប៉ុន្មានម៉ោងផង អ្នកនាង ឱក សុគន្ធកញ្ញា ក៏បានបង្ហោះសារខ្លះៗអរគុណដល់ហ្វេនរបស់ខ្លួនដោយនិយាយថា “ឆ្លងកាត់ពេលវេលាដ៏វែង អារម្មណ៍នៃការរង់ចាំ ការព្រួយបារម្ភ និងរូបភាពពិតនៃការបង្កើតកូនដ៏លំបាករបស់ម្តាយគ្រប់រូប ទីបំផុតអារម្មណ៍ជាឪពុកម្តាយដ៏ពិតប្រាកដបានមកដល់ ។នៅពេលនេះ ស្វាគមន៍ Charlie មកកាន់ពិភពលោកដ៏ស្រស់ស្អាត។ Mommy និង Charlie មានសុវត្ថិភាព មានសុខភាពល្អ ។

អរគុណចំពោះការបារម្ភ និងពាក្យជូនពរ របស់អ៊ុពូមីងបងប្អូនទាំងអស់គ្នា..ថ្ងៃ១១ ខែវិច្ឆិកា ឆ្នាំ២០១៩ វេលាម៉ោង ១:៣១ថ្ងៃត្រង់. ទម្ងន់ ៣.៧៥kg” គ្រាន់តែអ្នកនាង ឱក សុគន្ធកញ្ញា បង្ហោះសារអមជាមួយរូបថតកូនប្រុសដំបូងដ៏គួរឱ្យស្រឡាញ់នេះមក ក៏ធ្វើឱ្យប្រិយមិត្តជាច្រើនបានចូល Comment ម្នាក់ៗនិយាយថា Charlie ពិតជាគួរឱ្យស្រឡាញ់ខ្លាំងណាស់ នេះជាក្តីសង្ឃឹមសម្រាប់គ្រួសាររបស់អ្នកនាង ឱក សុគន្ធកញ្ញា និងស្វាមី សម្រាប់ទទួលសមាជិកថ្មីដោយក្តីរីករាយ៕

  

អត្ថបទ៖ ឡុង រតនា

    Loading...

    ពេញនិយម