Kylie លក់ភាគហ៊ុន៥១% ដល់ក្រុមហ៊ុនគ្រឿងសម្អាងយក្សមួយ ក្នុងទឹកប្រាក់ ៦០០ លានដុល្លារ

អាមេរិក៖ តារាសម្តែងវ័យក្មេង និង ជាស្ថាបនិកក្រុមហ៊ុន Kylie Jenner បានក្លាយជាសេដ្ឋីនីវ័យក្មេងដោយទទួលបានការគាំទ្រលើសពីការរំពឹងទុក ក្រោយចាប់ផ្តើមមុខជំនួញគ្រឿងសម្អាងកាលពីឆ្នាំ២០១៥។ មុខជំនួញនេះដែរចាប់ផ្តើមដំបូងពីការលក់ក្រែមលាបមាត់រហូតដល់វិវឌ្ឍដល់ការលក់គ្រឿងតុបតែងមុខ និង ផលិតផលថែរក្សាសម្រស់ដោយកាលពីឆ្នាំ២០១៨ ក្រុមហ៊ុន Kylie អាចរកប្រាក់ចំណូលពីការលក់ផលិតសរុបប្រមាណ ៣៦០ លានដុល្លារ។

ទោះបីមានអាយុត្រឹម២២ឆ្នាំក្តី តែ Kylie មានសមត្ថភាព អាចបង្កើតមុខរបរដោយខ្លួនឯងរហូតទទួលបានជោគជ័យដល់សព្វថ្ងៃ។ ប៉ុន្តែក្នុងពេលថ្មីៗនេះ ក្រុមហ៊ុនយក្ស Coty ដែលជាក្រុមហ៊ុនគ្រឿងសម្អាងដ៏ធំ និង មានឈ្មោះជាងគេនៅអាមេរិក បានចំណាយទឹកប្រាក់ចំនួន ៦០០ លានដុល្លារ ដើម្បីក្លាយជាម្ចាស់ភាគហ៊ុន៥១% ក្នុងក្រុមហ៊ុន Kylie ហើយដំណឹងនេះ ក៏បានប្រកាសជាផ្លូវការ កាលពីថ្ងៃចន្ទម្សិលមិញនេះផងដែរ៕

ប្រភព៖ aljazzeera

ប្រែសម្រួល៖ គង់ ចាន់ស្រីនុច