ONE Championship “EDGE OF GREATNESS” នឹងធ្វើឱ្យទស្សនិកជនតាមដានយ៉ាងជក់ចិត្ត ដិតអារម្មណ៍

ភ្នំពេញ ៖ ការប្រកួតក្បាច់គុនចម្រុះដ៏អស្ចារ្យ ដែលអ្នកនិយមទស្សនាការប្រយុទ្ធប្រាកដជាស្គាល់ និងដឹងច្បាស់ថាមានកំពូលអ្នកលេងក្បាច់គុនជាច្រើនរូប ច្រើនជាតិសាសន៍ និងជាស្ថាប័ននៃការប្រកួតក្បាច់គុនចម្រុះលេខ១ ក្នុងទ្វីបអាស៊ី ពេលនេះបានវិលត្រឡប់មកវិញហើយ។

នៅថ្ងៃសុក្រ ទី២២ ខែវិច្ឆិកា សប្តាហ៍នេះ ការប្រកួតក្បាច់គុនចម្រុះដ៏ធំមួយនេះ គឺនឹងត្រឡប់មកវិញម្តងទៀតហើយ នោះគឺ ONE Championship “ EDGE OF GREATNESS ” នឹងធ្វើឡើងក្នុងប្រទេស សិង្ហបុរី ម្តង។

កីឡាករខ្លាំងៗដែលនឹងឡើងមកប្រកួតគ្នាមានដូចជា ៖

– TROY WORTHEN សញ្ជាតិអាមេរិក ប្រកួតជាមួយ CHEN LEI សញ្ជាតិចិន ក្នុងគីឡូ BANTAMWEIGHT

– AMIR KHAN កីឡាករលំដាប់កំពូលរបស់សិង្ហបុរី ប្រកួតជាមួយ EV TING កូនកាត់ម៉ាឡេស៊ី និងញ៉ូហ្សឺលែន ក្នុងគីឡូ LIGHTWEIGHT

គូឯកដណ្តើមខ្សែក្រវាត់ ៖

– NONG-O GAIYANGHADAO កីឡាករលំដាប់លេខ១នៃស្រុកថៃ ឡើងមកការពារខ្សែក្រវាត់ ពីកីឡាករសញ្ជាតិថៃដូចគ្នា គឺ SAEMAPETCH FAIRTEX ក្នុង គីឡូ BANTAMWEIGHT។

ONE : “EDGE OF GREATNESS” ក៏នៅមានកីឡាករ កីឡាការិនី ជើងខ្លាំងជាច្រើនរូបទៀតផងដែរ។
ការប្រកួតនេះ នឹងមានផ្សាយបន្តផ្ទាល់តាមកញ្ចក់ទូរទស្សន៍ CTN និងមាន Live តាមរយៈ Facebook page ផ្លូវការ ” CBS Sport ” នៅថ្ងៃសុក្រ ទី២២ ខែវិច្ឆិកា ឆ្នាំ២០១៩ ចាប់ពីម៉ោង ៧:៣០យប់តទៅ និង មានចាក់ផ្សាយឡើងវិញ នៅថ្ងៃអាទិត្យ ទី២៤ ខែវិច្ឆិកា ម៉ោង ២រសៀល នៅលើកញ្ចក់ទូរទស្សន៍ MyTV៕

អត្ថបទ៖ លីន រតនា