Granit Xhaka អាចនឹងបង្ហាញខ្លួនក្នុងការប្រកួតទល់នឹង Southampton

អង់គ្លេស៖ លោក Unai Emery និយាយថា Granit Xhaka អាចនឹងបង្ហាញខ្លួនឱ្យ Arsenal ពេលប៉ះក្រុម Southampton នៅថ្ងៃសៅរ៍នេះ ទោះបីជាថ្មីៗនេះមានរឿងមិនល្អក៍ដោយ។

Xhaka វ័យ ២៧ ឆ្នាំត្រូវបានដកហូតតំណែងជាប្រធានក្រុម បន្ទាប់ពីប្រឈមមុខដាក់គ្នាជាមួយអ្នកគាំទ្ររបស់ក្រុមកាំភ្លើងធំនៅក្នុងការប្រកួតមួយជាមួយ Crystal Palace កាលពីខែមុន។ លោក Emery មានប្រសាសន៍ថា៖ «យើងនឹងធ្វើការសម្រេចចិត្តនៅថ្ងៃសុក្រ។ គាត់ត្រលប់មកវិញល្អជាងទុកចោល។ ផ្នត់គំនិតរបស់គាត់គឺល្អប្រសើរជាងមុនដើម្បីជួយយើង និងកាន់តែជិតស្និទ្ធនឹងការលេងនៅពេលយើងត្រូវការគាត់»។

ខ្សែបម្រើរូបនេះមិនបានបង្ហាញមុខក្នុងការលេង ៤ប្រកួតចុងក្រោយរបស់ Arsenal ទេ ប៉ុន្តែគ្រូបង្វឹក Emery មានអារម្មណ៍ថា ពេលនេះគាត់បានត្រៀមខ្លួនជាស្រេចដើម្បីវិលត្រឡប់មកវិញ៕