Connect with us

Arsenal ចាប់ផ្ដើមស្វែងរកអ្នកជំនួសកន្លែងរបស់លោក Unai Emery

អង់គ្លេស៖ Arsenal បានចាប់ផ្តើមស្វែងរកអ្នកជំនួសកន្លែងរបស់លោក Unai Emery ទោះបីជាមានរឿងបន្តិបន្តួចរវាងក្រុមប្រឹក្សាភិបាល ដែលចង់ផ្ដល់ពេលវេលាបន្ថែមទៀតដល់គ្រូបង្វឹករូបនេះក៏ដោយ។
អ្នកកាសែត Sami Mokbel របស់ Daily Mail បានរាយការណ៍ថា ក្រុមកាំភ្លើងធំ បានចាប់ផ្តើមដំណើរការរកអ្នកជំនួសលោក Unai Emery ដោយនឹងផ្ដល់កុងត្រាទៅអ្នកថ្មីយូរអង្វែង។ លោក Mokbel ក៏បានអះអាងថា ឋានានុក្រមរបស់ក្លិប នៅតែចង់ផ្តល់ឱកាសដល់គ្រូបង្វឹកសញ្ជាតិអេស៉្បាញ ប៉ុន្តែមានការរិះគន់ជាខ្លាំងពីសំណាក់អ្នកគាំទ្រក្លិប។

លោក Massimiliano Allegri, Mikel Arteta និង Mauricio Pochettino សុទ្ធតែមានឈ្មោះជាអ្នកជំនួសដែលអាចកើតឡើងបាន ទោះបីជា Pochettino ហាក់ដូចជាមិនចូលរួមជាមួយគូប្រជែងនឹង Spurs ក៏ដោយ។
សារព័ត៌មាន Daily Mail ក៏បានរាយការណ៍ជាលើកទី២ ផងដែរពីលោក Steve Bould និង Freddie Ljungberg អាចនឹងដឹកនាំបណ្ដោះអាសន្ន ប្រសិនបើលោក Emery ត្រូវបានបណ្តេញចេញមុនរដូវក្តៅ ដោយសារមានការលំបាកទាក់ទងនឹងការផ្លាស់ប្តូរនៅពាក់កណ្តាលរដូវកាល៕

    Loading...

    ពេញនិយម