Connect with us

សុនខញី ដែលបានដេញតាមសម្លាប់មេ ISIS ទទួលមេដាយពីលោក ដូណាល់ ត្រាំ

សូម្បីតែសុនខ ក៏ត្រូវបានចាត់ទុកជា វីរនារីរបស់អាមេរិក ដែរ!

អាមេរិក៖ សុនខ ញី ឈ្មោះថា ខូណាន (Conan) ជាសុនខកងទ័ពអាមេរិក ដែលបានដេញតាមសម្លាប់មេភេរវក នៃក្រុមISIS លោក Abu Bakr al-Baghdadi រហូតបន្ទុះគ្រាប់បែកអត្តឃាតនោះ បានទទួលមេដាយពីលោក ដូណាល់ ត្រាំ ប្រធានាធិបតីសហរដ្ឋអាមេរិក នៅសេតវិមាន នៅថ្ងៃចន្ទ ទី២៥ ខែវិចិ្ឆកា ឆ្នាំ២០១៩។

សុនខ ខូណាន ជាប្រភេទសុនខម៉ាលីណយប៊ែលហ្សិក (Belgian Malinois) ដែលបានរងរបួស ក្នុងបេសកកម្មនោះ។ សារពត៌មានអន្តរជាតិជាច្រើន បានចុះផ្សាយពីការបំពាក់មេដាយនេះ និងបកស្រាយពីផលប្រយោជន៍យ៉ាងសំខាន់ក្នុងការបំពាក់សុនខបម្រើក្នុងវិស័យសន្តិសុខជាតិ ដោយរួមទាំងជាកម្លាំងកងទ័ព ទាំងកងកម្លាំងនគរបាលប្រកបដោយអានុភាព។

ក្នុងបណ្ដាញទំនាក់ទំនងសង្គម Twitter លោក ដូណាល់ ត្រាំ បានបង្ហោះរូបថត បំពាក់មេដាយឱ្យ ខូណាន និងសរសេរថា៖ “វីរនារី របស់អាមេរិក!”។

លោក ដូណាល់ ត្រាំ បានបញ្ជាក់កាលពីចុងខែតុលា ឆ្នាំ២០១៩ថា មេដឹកនាំក្រុមឧទ្ទាម ISIS ឈ្មោះ Abu Bakr al-Baghdadi បានស្លាប់ហើយ ក្នុងប្រតិបត្តិការរបស់កងកម្លាំងពិសេសអាមេរិក នៅភាគឦសាន ប្រទេសស៊ីរី៕

   

អត្ថបទ៖ ចាន់ សោភ័ណ្ឌលាភ

  • អត្ថបទទាក់ទង :
  • Featured
Loading...

ពេញនិយម