មិនត្រឹមតែគ្មានក្រុមហ៊ុនក្នុងស្រុកចាត់ចែងពិធីបុណ្យសព Goo Haraឡើយ ថែមទាំងគ្មានវត្តមានឪពុកម្តាយចូលរួមទៀត

កូរ៉េ៖ ជីវិត Goo Hara ត្រូវបានជីដូនចិញ្ចឹមបីបាច់ថែរក្សាក្រោយឪពុកម្តាយនាងលែងលះគ្នា ខ្សែជីវិត Hara មិនត្រឹមតែគ្មានមិត្តភក្តិឡើយសូម្បីសាច់ញាតិក៏នាងគ្មានដែរ ដោយសារតែភាពឯកានេះហើយទើបធ្វើឱ្យ Hara មានចរិតរួសរាយ និង យកចិត្តទុកដាក់ចំពោះអុ្នកដ៏ទៃប៉ុន្តែផ្ទុយទៅវិញអ្នកទាំងនោះបែរជាព្រងើយកន្តើយដាក់នាងទៅវិញ ព្រោះជាក់ស្តែងកាលពីថ្ងៃកំណើតរបស់តារាចម្រៀងប្រុស TOP ក្នុងក្រុម Big Bang នាងបានផ្ញើរសារជូនពរលោកប៉ុន្តែបែរជា TOP មិនរវល់តបសារនាងទៅវិញ។

ក្រោយដឹងដំណឹងមរណៈរបស់ Hara តារាចម្រៀង TOP ក៏បានបង្ហោះពាក្យសុំទោសដែលលោកមិនបានតបសារនាង ទោះជាយ៉ាងណាអ្វីៗក៏បានកន្លងហួសហើយដែរ។ Hara ធ្លាប់បញ្ជាក់ថានាងមានអារម្មណ៍ឯកាជាយូរណាស់មកហើយព្រោះនាងគ្មានមិត្តភក្តិដូចអ្នកដ៏ទៃដោយសារមនុស្សភាគច្រើនមិនចង់និយាយជាមួយនាងឡើយសូម្បីតែសាច់ញាតិ ដូចនេះហើយទើបពិធីបុណ្យសពនាងនៅថ្ងៃទី២៦ ខែវិច្ឆិកានេះក៏គ្មានវត្តមានឪពុកម្តាយនាងចូលរួមដែរ គឺមានតែបងប្រុសនាងម្នាក់គត់ដែលនៅចាត់ចែងពិធីក្នុងបរិយាកាសដ៏ស្ងាត់ច្រងំ៕

ប្រែសម្រួល៖ គង់ ចាន់ស្រីនុច