Connect with us

មន្ទីរសាធារណការ និង ដឹកជញ្ជូនខេត្តរតនគិរីអំពាវនាវឱ្យប្រជាពលរដ្ឋទុកដាក់សំរាមឱ្យបានត្រឹមត្រូវ

បើកគម្របលូមក ហួសថ្លែងឃើញសុទ្ធតែសំរាម

រតនគិរី៖ បញ្ហាការចោលសម្រាមផ្តេសផ្តាសបានចោទជាបញ្ហាជាខ្លាំងនៅក្នុងព្រះរាជាណាចក្រកម្ពុជា ប៉ុន្តែចាប់តាំងពីមានយុវជនសំរាមបានចាប់ផ្តើមយុទ្ធនាការបំផុសបំផុលឱ្យប្រជាពលរដ្ឋខ្មែរមានការចោលសំរាមឱ្យមានរបៀបទៅតាមធុងសំរាម និង ការវេចខ្ចប់ឱ្យបានត្រឹមត្រូវនោះឃើញថាបរិស្ថានក្នុងប្រទេសមានការប្រសើរច្រើន។

ទោះជាយ៉ាងណាក៏ដោយក៏បញ្ហាមួយនេះនៅមិនទាន់ធ្វើបានទាំងស្រុងឡើយ ព្រោះប្រសិនជាយើងក្រឡេកមើលនៅតាមបណ្តាខេត្ត សំរាមនៅតែចោលពាសវាលពាសកាលដដែលដោយយោងតាមផេកផ្លូវការរបស់មន្ទីរសាធារណការ និង ដឹកជញ្ជូនខេត្តរតនគិរីបានបង្ហោះរូបភាពមួយចំនួនដែលទាក់ទងនឹងការចោលសំរាមផ្តេសផ្តាសរបស់ប្រជាពលរដ្ឋរហូតដល់មានការកកស្ទះក្នុងលូតាមដងផ្លូវសាធារណដែលពោរពេញទៅដោយដបទឹកសុទ្ធជាច្រើននៅក្នុងនោះ។ ខាងមន្ទីរក៏បានអំពាវនាវដល់ប្រជាពលរដ្ឋទាំងអស់ដែរថា “#ដើម្បីទីក្រុងយើង សូមទុកដាក់សំរាមអោយបានត្រឹមត្រូវ !!! បើអាណិតពួកគាត់សូមកុំចោលសំរាមផ្តេសផ្តាស!”៕

 

អត្ថបទ៖ គង់ ចាន់ស្រីនុច

  • អត្ថបទទាក់ទង :
  • Featured
Loading...

ពេញនិយម