មន្ត្រីជាប់កិច្ចសន្យា នឹងត្រូវដំឡើងប្រាក់កម្រៃប្រចាំខែ ចាប់ពីថ្ងៃទី១ ខែមករា ឆ្នាំ២០២០

ភ្នំពេញ៖ យោងតាមអនុក្រឹត្យ ស្ដីពី ការដំឡើងប្រាក់កម្រៃប្រចាំខែជូនមន្ត្រីជាប់កិច្ចសន្យា របស់រាជរដ្ឋាភិបាលកម្ពុជា ដែលចុះហត្ថលេខាដោយសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា ថ្ងៃទី៤ ខែធ្នូ ឆ្នាំ២០១៩ បានឱ្យដឹងថា៖ “មាត្រា១- ដំឡើងប្រាក់កម្រៃប្រចាំខែជូនមន្ត្រីជាប់កិច្ចសន្យាពីចំនួន ៦៥ម៉ឺនរៀល ទៅដល់ ៦៧ម៉ឺនរៀល។

ការដំឡើងប្រាក់កម្រៃប្រចាំខែដូចកំណត់ខាងលើ ត្រូវអនុវត្តចាប់ពីថ្ងៃទី០១ ខែមករា ឆ្នាំ២០២០តទៅ។

អនុក្រឹត្យរបស់រាជរដ្ឋាភិបាលបន្តថា ការដំឡើងប្រាក់កម្រៃដូចមានកំណត់ក្នុងមាត្រា១ ត្រូវអនុវត្តចំពោះមន្ត្រីជាប់កិច្ចសន្យាដែលបម្រើការងារនៅតាមក្រសួង ស្ថាប័នថ្នាក់ជាតិ និងថ្នាក់ក្រោមជាតិ អនុលោមតាមបទប្បញ្ញត្តិនៃអនុក្រឹត្យលេខ២៦ អនក្រ.បក ចុះថ្ងៃទី១០ ខែកុម្ភៈ ឆ្នាំ២០១៦ ស្ដីពីការគ្រប់គ្រងនិងការប្រើប្រាស់មន្ត្រីជាប់កិច្ចសន្យា៕

អត្ថបទ៖ ចាន់ សោភ័ណ្ឌលាភ