មួយទៀតហើយ! គ្រូ Everton ត្រូវក្លិបបណ្ដេញចេញក្រោយចាញ់ Liverpool

អង់គ្លេស៖ ក្រុម Everton បានបណ្តេញអ្នកចាត់ការ Marco Silva ចេញពីតំណែង បន្ទាប់ពីដឹកនាំបាន ១៨ខែ ដែលពេលនេះក្លិបស្ថិតនៅតំបន់កាត់ចោលក្នុងក្របខ័ណ្ឌ Premier League បន្ទាប់ពីចាញ់ Liverpool។

Silva ដែលបានទទួលបន្ទុកកាលពីខែឧសភាឆ្នាំ២០១៨ ដឹកនាំឈ្នះ ២៤ និងចាញ់ ២៤ ក្នុងចំណោម ៦០ ប្រកួត ហើយការបរាជ័យ ៥-២ កាលពីថ្ងៃពុធក្រោមថ្វីជើងក្រុមហង្សក្រហមនៅកីឡដ្ឋាន Anfield គឺជាការប្រកួតចាញ់ទី៩ របស់ពួកគេក្នុងរដូវកាលនេះ ហើយធ្វើឱ្យពួកគេឈរនៅលេខរៀងទី១៨ នៅ Premier League បន្ទាប់ពីចាញ់ ៣លើកជាប់ៗគ្នា។

អតីតខ្សែប្រយុទ្ធ លោក Duncan Ferguson ត្រូវបានដាក់បន្ទុកជាគ្រូបណ្តោះអាសន្ន ហើយនឹងដឹកនាំក្រុមពេលជួប Chelsea នៅថ្ងៃសៅរ៍។ ឥឡូវនេះក្រុមស្ករតាំងម៉ែកំពុងតែស្វែងរកអ្នកចាត់ការទីបួនរបស់ពួកគេចាប់តាំងពីលោក Roberto Martinez ត្រូវបានបណ្តេញចេញពីតំណែងកាលពីខែឧសភាឆ្នាំ ២០១៦៕