Connect with us

លាបពណ៌សក់ និងអ៊ុតសក់ត្រង់ច្រើន អាចប្រឈមជំងឺមហារីកសុដន់

ឧស្សាហ៍ប្រើថ្នាំលាបពណ៌សក់ ឬថ្នាំអ៊ុតសក់ត្រង់ជាញឹកញាប់ អាចបង្កឱ្យមានជំងឺមហារីកសុដន់ក្នុងរយៈពេលណាមួយ។ នេះបើតាមលទ្ធផលស្រាវជ្រាវវិទ្យាសាស្រ្ត។

ក្រុមអ្នកវិទ្យាសាស្រ្តនៃវិទ្យាស្ថានសុខភាពជាតិ សហរដ្ឋអាមេរិក បានសិក្សាតាមដានទៅលើ ស្រ្តីប្រមាណជិត៥ម៉ឺននាក់ ដោយចំណាយរយៈពេលជាង៨ឆ្នាំ។ ហើយការសិក្សា បានបង្ហាញថា ស្ត្រីដែលប្រើថ្នាំលាបពណ៌សក់ញឹកញាប់ មានហានិភ័យ ៩% វិវត្តទៅជាជំងឺមហារីកសុដន់ បើប្រៀបទៅនឹងស្រីៗពុំប្រើ។
ចំណែកស្ត្រីដែលប្រើសមាសធាតុគីមីជាថ្នាំអ៊ុតសក់ត្រង់ក្នុងកម្រិតច្រើន ជាមធ្យមពី៥-៨សប្តាហ៍/ម្តង រកឃើញថា មានហានិភ័យ ៣០% វិវត្តទៅរកជំងឺខាងលើនេះ។
ក្រុមអ្នកស្រាវជ្រាវបានពន្យល់ថា សមាសធាតុគីមីក្នុងផលិតផលសម្អាង ឬលាប-អ៊ុតសក់ មានច្រើនជាង ៥.០០០ សមាសធាតុ។ វាអាចជ្រាបទៅក្នុងស្បែកក្បាល ពិសេសក្លិនរបស់វា អាចជ្រាបចូលក្នុងរាងកាយតាមដង្ហើមបានផងដែរ នៅពេលដែលប្រើវា។
ដោយសារមើលឃើញពីផលអវិជ្ជមាននេះ ក្រុមអ្នកស្រាវជ្រាវដែលបានចុះផ្សាយលើព្រឹត្តបត្រសុខភាព International Journal of Cancer របស់សហរដ្ឋអាមេរិក បានណែនាំឱ្យបន្ថយការប្រើប្រាស់ជាញឹកញាប់ ឬចៀសឆ្ងាយពីសមាសធាតុលាបសក់ទាំងនោះ ករណីពុំចាំបាច់៕

ប្រភព៖ Hellokrupet

    Loading...

    ពេញនិយម

    WP2Social Auto Publish Powered By : XYZScripts.com