សៀង ចន្ធា បំបែកកំណត់ត្រាអ្នកស៊ុតបញ្ចូលទីលឿនបំផុតរបស់កីឡាករឥណ្ឌូណេស៊ី នៅស៊ីហ្គេម

ភ្នំពេញ៖ កីឡាករ សៀង ចន្ធា បានបំបែកកំណត់ត្រាអ្នកស៊ុតបញ្ចូលទីលឿនបំផុត​ ដោយប្រើប្រាស់ពេលត្រឹមតែ ១៨វិនាទីក្រោយកញ្ចែរផ្លុំចាប់ផ្ដើមតង់ទីមួយ ក្នុងការប្រកួតរវាងកម្ពុជាអាយុក្រោម ២២ឆ្នាំ និង មីយ៉ាន់ម៉ាអាយុក្រោម២២ឆ្នាំ នៃព្រឹត្តិការណ៍កីឡាស៊ីហ្គេមលើកទី៣០ នៅប្រទេសហ្វីលីពីន វិញ្ញាសាបាល់ទាត់បុរស វគ្គពាក់កណ្ដាលផ្ដាច់ព្រ័ត្រ កាលពីថ្ងៃទី១០ ខែធ្នូ ឆ្នាំ២០១៩កន្លងទៅ។

លទ្ធផលការប្រកួតខាងលើ គឺ កម្ពុជា បានចាញ់មីយ៉ាន់ម៉ាដោយបាល់ប៉េណាល់ទី ៥-៤ បន្ទាប់ពីលទ្ធផលស្មើ ២-២ ក្នុង ៩០នាទី។

សៀង ចន្ធា បានបំបែកំណត់ត្រារបស់កីឡាករឥណ្ឌូណេស៊ី Patrich Wanggai ដែលបានស៊ុតបញ្ចូលទីទៅលើក្រុមសិង្ហបុរី ដោយប្រើប្រាស់ពេល ៤៤វិនាទី ក្រោយកញ្ចែរផ្លុំចាប់ផ្ដើមតង់ទីមួយ កាលពីស៊ីហ្គេមឆ្នាំ២០១១៕

សូមទស្សនាវីដេអូ៖