Connect with us

លោក Unai Emery ច្រានចោលសំណើរមួយចំនួន ក្នុងនោះមាន Everton ផងដែរ

អង់គ្លេស៖ លោក Unai Emery កំពុងរង់ចាំសំណើរដ៏ល្អមួយ ដើម្បីវិលត្រឡប់ទៅធ្វើជាគ្រូបង្វឹកវិញ ប៉ុន្តែអតីតគ្រូ Arsenal រូបនេះ ទើបបានច្រានចោលសំណើរមួយចំនួន។

គ្រូសញ្ជាតិអេស្ប៉ាញរូបនេះ ត្រូវបានក្រុម Arsenal បណ្តេញចេញពីតំណែងនៅចុងខែវិច្ឆិកាកន្លងទៅនេះ ប៉ុន្តែគាត់មិនប្រញាប់ប្រញាលវិលត្រឡប់ទៅដឹកនាំវិញនោះទេ ជាពិសេសសម្រាប់សំណើររបស់ក្លិបនៅអង់គ្លេស។

លោក Emery បានច្រានចោលសំណើពី Everton ដើម្បីជំនួសកន្លែង លោក Marco Silva ព្រោះគាត់គិតថា សំណើនេះឆាប់ពេកក្នុងការទទួលយកការងារនៅ Premier League ជាមួយក្លិបមួយផ្សេងទៀត បន្ទាប់ពីចាកចេញពី Arsenal។  ដោយឡែក ក្លិបចិនចំនួន ២ ក៏បានទូរស័ព្ទចូលមកដែរ ប៉ុន្តែលោកបានច្រានចោលទាំងអស់។

លោក នឹងរង់ចាំក្លិបមួយដែលគាត់គិតថា គាត់អាចឈ្នះពានរង្វាន់ជាមួយពួកគេ បន្ទាប់ពីគាត់បានឈ្នះពានរង្វាន់ ១០ គ្រឿងក្នុងរយៈពេល ៥ឆ្នាំចុងក្រោយនេះ៕

 

    Loading...

    ពេញនិយម