ផ្ទុះមតិសរសើរមិនដាច់ពីមាត់មហាជនដែលបានទស្សនារឿងភាគខ្មែរ “កំណត់ត្រាស្នេហ៍”

មកដល់ពេលនេះ រឿងភាគខ្មែរ “កំណត់ត្រាស្នេហ៍” កំពុងចាក់ផ្សាយនៅកញ្ចក់ទូរទស្សន៍ CTN បានឈានដល់ភាគទី ២៨ ហើយ ដោយមួយភាគ ទៅមួយភាគ សាច់រឿង គឺកាន់តែស្មុគស្មាញ ជាមួយនឹងចំណោទបញ្ហាជាច្រើន មិនថាការងារ គ្រួសារ និងស្នេហានោះទេ ដែលធ្វើឱ្យមាន អ្នកទស្សនាគាំទ្រជាច្រើន។

លើសពីនេះទៅទៀត ក៏មានការសរសើរនៅតាមរយៈបណ្តាញសង្គមផងដែរ ដោយប្រិយមិត្តខ្លះបានសរសេរថា “ដឹកនាំសម្ដែងល្អ ស័ក្តិសម រស់រវើក មិនយឺតៗគួរឱ្យធុញ” ហើយក៏មានមតិផ្សេងទៀត បានលើកឡើងថា “សម្ដែងក៏សម តួក៏សង្ហាៗ មិនចាញ់តារាបរទេសឯណា”, “សម្ដែងបានល្អណាស់ ទាំងសម្លេង និងតួសម្ដែងគឺល្អ សូមសរសើរអ្នកដឹកនាំសម្ដែងមែន”, “រឿងខ្មែរយើងរីកចម្រើនបន្តិចម្ដងៗហើយ” ជាដើម -ល- ។

គួរបញ្ជាក់ផងដែរថា រឿងភាគខ្មែរ “កំណត់ត្រាស្នេហ៍” មានចាក់ផ្សាយរៀងរាល់ ចន្ទ-ព្រហ វេលាម៉ោង ៧យប់ នៅលើកញ្ចក់ទូរទស្សន៍ និង Facebook Page របស់ CTN TV ៕