សប្បាយហើយអាចឈ្នះ iPhone និងរង្វាន់ជាច្រើនទៀតពី AR ហ្គេមដំបូងបង្អស់របស់សែលកាត

ភ្នំពេញ៖ សែលកាត នៅថ្ងៃចន្ទ ទី២៣ ខែធ្នូ ឆ្នាំ២០១៩ បានបើកដំណើរការ AR ហ្គេម ដំបូងបង្អស់របស់ខ្លួន សម្រាប់សហគមន៍លេងហ្គេម នៅប្រទេសកម្ពុជា ដើម្បីអបអររដូវបុណ្យណូអែល។

ហ្គេម Christmas Mission ផ្តល់ភាពសប្បាយរីករាយសម្រាប់មនុស្សគ្រប់វ័យ និងអាចទាញយកបានដោយឥតគិតថ្លៃ នៅលើកម្មវិធី iOS និង Andriod ។

នៅក្នុងហ្គេមនេះដែរ អ្នកលេងត្រូវជួយសង្រ្គោះលោកតា សាន់តា និងគ្រួសាររបស់គាត់ ដោយកម្ចាត់ទេពអប្សរអាក្រក់។ ហ្គេមនេះ គឺជាហ្គេមចុងក្រោយបង្អស់ នៅក្នុងលំដាប់ហ្គេម ដែលបង្កើតឡើងដោយសែលកាត ដោយចាប់ដៃគូជាមួយ Sabay Osja ។ វាមានលក្ខណៈពិសេស គឺបញ្ចូលបច្ចេកវិទ្យា AR ជាសត្វរមាំង និងភារកិច្ចរបស់អ្នកលេងគឺទៅកាន់ទីតាំង តាមតំបន់លើផែនទីស្រដៀងនឹងហ្គេម Pokemon Go ។

ហ្គេមនេះ ក៏មានតារាងពិន្ទុ ដែលអាចឱ្យអ្នកលេងអាចផ្គូផ្គងជំនាញរបស់ពួកគេ ប្រឆាំងនឹងមិត្តភ័ក្តិរបស់ពួកគេផងដែរ។ អ្នកមានពិន្ទុខ្ពស់ជាងគេ នឹងទទួលបាន iPhone 11 Pro ដែលនឹងត្រូវប្រកាសនៅថ្ងៃទី១៥ ខែមករា ឆ្នាំ២០២០ ។

ទោះយ៉ាងណា អ្នកលេងក៏អាចឈ្នះរង្វាន់ដ៏អស្ចារ្យផ្សេងទៀតដូចជា ការបញ្ចូលទឹកប្រាក់ឥតគិត កន្លាស់អាវសែលកាតPlay និងអាវយឺត នៅពេលពួកគេ ប្រមូលកាក់នៅខាងក្នុងហ្គេម។
អ្នកលេង អាចប្រើកាក់ ដើម្បីបើកយកសម្លៀកបំពាក់តួអង្គ របស់ពិសេសៗ និងអាវុធ។ ទន្ទឹមនេះ អ្នកលេងមានពេលរហូតដល់ថ្ងៃទី១៥ ខែមករានេះ ដើម្បីប្រជែងយកតំណែងកំពូល។
ហ្គេមនេះ អាចដោនឡូតដោយឥតគិតថ្លៃសម្រាប់អ្នករាល់គ្នា ដោយគ្រាន់តែទៅចូលទៅកាន់ iOS និង Android ហើយស្វែងរក Christmas Mission ៕