លោកហ៊ុយ យ៉ាឡេងបង្ហាញ ផូស្ទ័រផ្លូវការ ដែលមានតួស្រីមាន សុនីតា

ភាពយន្តប្រភេទកំសត់បែបអប់រំសង្គមរបស់លោកហ៊ុយយ៉ាឡេងដែលបានចំណាយលពេលសម្រិតសម្រាំងរយៈពេលជិតមួយឆ្នាំមកហើយ បានបញ្ចេញ ផូស្ទ័រផ្លូវការរបស់រឿងខ្លួនដែលមានចំណងជើងថា “ដើម្បីកូន” ហើយមានការចូលរួមសម្តែងពីតារាស្រីល្បីគឺរាជនីក្រមាកញ្ញា មាន សុនីតា។

គួរបញ្ជាក់ថាភាពយន្តបែបទឹកភ្នែកមួយនេះទំនងជាឆ្លុះបញ្ចាំងជីវិតដ៏កំសត់របស់អ្នកធាក់សុីក្លូនៅក្នុងទីក្រុងភ្នំពេញ។ លោកហ៊ុយ យ៉ាឡេងសង្ឃឹមថាអ្នកទស្សនាភាពយន្ត ដឹកដៃគ្នាទៅមើលភាពយន្តខ្មែរទាំងអស់គ្នាដូចទសវត្សរ៍៦០។ គួរបញ្ជាក់ដែរថាភាពយន្តរបស់លោកនឹងដាក់បញ្ចាំងតាមរោងភាពយន្តនៅថ្ងៃទី៣០ ខែមករា ឆ្នាំ ២០២០នេះ៕