Connect with us

បិទចរាចរណ៍បណ្ដោះអាសន្ន នៅក្រុងសៀមរាប ក្នុងឱកាសឆ្លងឆ្នាំសាកល

សូមជ្រាប!

សៀមរាប៖ រដ្ឋបាលខេត្តសៀមរាប បានជូនដំណឹងថា រដ្ឋបាលខេត្តសៀមរាប នឹងធ្វើការផ្អាកចរាចរណ៍ជាបណ្តោះអាសន្ន លើកំណាត់ផ្លូវមួយចំនួនក្នុងក្រុងសៀមរាប ក្នុងឱកាសបុណ្យឆ្លងឆ្នាំសាកល ឆ្នាំ២០២០ ខាងមុខនេះ។

ក្នុងឱកាសបុណ្យឆ្លងឆ្នាំសាកលឆ្នាំ២០២០ខាងមុខនេះ រដ្ឋបាលខេត្ត បានរៀបចំ តុបតែង និងកែលម្អសោភ័ណភាពក្រុង ដើម្បីទទួលភ្ញៀវទេសចរជាតិ និងអន្តរជាតិមកទស្សនា ក៏ដូចជារាប់ថយក្រោយនាយប់ថ្ងៃទី៣១ ខែធ្នូ ឆ្នាំ២០១៩ ឈានចូលថ្ងៃទី០១ ខែមករា ឆ្នាំ២០២០។

ជាមួយនឹងការរាប់ថយក្រោយ ដើម្បីឆ្លងឆ្នាំសកលនេះ រដ្ឋបាលខេត្ត នឹងធ្វើការផ្អាកចរាចរណ៍ជាបណ្តោះអាសន្នលើកំណាត់ផ្លូវមួយចំនួនក្នុងក្រុងសៀមរាប ដើម្បីរៀបចំកន្លែងសម្រាប់ប្រារព្ធពិធីខាងលើ។ ដូចនេះ រដ្ឋបាលខេត្ត សង្ឃឹមយ៉ាងមុតមាំថា សាធារណជនមេត្តាយោគយល់ និងចូលរួមសហការជាមួយអាជ្ញាធរមានសមត្ថកិច្ច ដើម្បីឱ្យកម្មវិធីខាងលើប្រព្រឹត្តទៅដោយរលូនតាមការគ្រោងទុក។ ក្នុងនោះរដ្ឋបាលខេត្តសៀមរាប នឹងធ្វើការផ្អាកចរាចរណ៍ជាបណ្ដោះអាសន្ន នៅកំណាត់ផ្លូវហ្សាដឺហ្គោល ចាប់ពីចំណុចមហាសណ្ឋាគារអង្គរ រហូតដល់ចំណុចរង្វង់មូលស្ពានព្រះរាជដំណាក់ ចាប់ពីថ្ងៃទី២៨ ខែធ្នូ ឆ្នាំ២០១៩ ដល់ថ្ងៃទី០១ ខែមករា ឆ្នាំ២០២០៕

អត្ថបទ៖ ចាន់ សោភ័ណ្ឌលាភ

  • អត្ថបទទាក់ទង :
  • Featured
Loading...

ពេញនិយម