Connect with us

ស្ងាត់ៗ លោក ខេមរៈ សិរីមន្ត មានកូន៣នាក់រួចទៅហើយ ខណៈប្រពន្ធរបស់គាត់ ក៏កំពុងតែពរពោះកូនទី៤ មួយទៀត

ភ្នំពេញ៖ ពិតជាភ្ញាក់ផ្អើលមែនទែន សម្រាប់ទស្សនិកជនដែលគាំទ្រលោក ខេមរៈ សេរីមន្ដ បន្ទាប់ពីតារាចម្រៀងរូបនេះ បានទម្លាយរឿងរ៉ាវនៅក្នុងគ្រួសាររបស់លោក ដែលខំលាក់ទុកជាច្រើនឆ្នាំមកហើយ ។ 
ថ្មីៗនេះ តារាចម្រៀងល្បីឈ្មោះ លោក ខេមរៈ សេរីមន្ដ បានបង្ហើបប្រាប់មហាជន ថា លោកបានរៀបការតាំងពីឆ្នាំ២០០៩មកម្ល៉េះ និងមានកូនចំនួន ៣នាក់ហើយ ។ មិនត្រឹមតែប៉ុណ្ណោះ លោក ក៏ចាប់ផ្តើមបង្ហាញមុខក្រុមគ្រួសារម្តងម្នាក់ៗ ផងដែរ ។


អ្វីដែលកាន់តែគួរឲ្យចាប់អារម្មណ៍ជាងនេះទៅទៀតនោះ គឺមានការបែកធ្លាយនូវដំណឹងថា ភរិយារបស់តារាសម្តែងរូបនេះ កំពុងតែមានផ្ទៃពោះកូនទី៤ និង ជិតគ្រប់ខែហើយ ។ អ្នកគាំទ្រ ពិតជាភ្ញាក់ផ្អើលមែនទែន ដោយសារតែ មិនបានដឹងរឿងគ្រួសាររបស់លោក សេរីមន្ត អស់រយៈពេលជិត ១០ឆ្នាំមកហើយ ។


ថ្លែងប្រាប់ MYTV Plus លោក ខេមរៈ សេរីមន្ដ បានសម្តែងក្តីរំភើបខ្លាំងតែម្តង ហើយអ្នកគាំទ្រលោក ក៏មានការអបអរសាទរ និង ផ្ញើរពាក្យជូនពរជាច្រើន ឲ្យគ្រួសារលោកកាន់តែមានសុភមង្គលខ្លាំងឡើង និង ទទួលបានជោគជ័យគ្រប់ភារកិច្ច ៕


អត្ថបទ៖ ឡុង រតនា

  • អត្ថបទទាក់ទង :
  • Featured
Loading...

ពេញនិយម