Connect with us

សមាគមរោងចក្រកាត់ដេរកម្ពុជា គាំទ្រការកែច្បាប់ កាត់បន្ថយប្រាក់ឈ្នួលវេនយប់ និងថ្ងៃឈប់សម្រាកសង

ភ្នំពេញ៖ សមាគមរោងចក្រកាត់ដេរនៅកម្ពុជា នៅថ្ងៃទី១៥ ខែមករា ឆ្នាំ២០២០នេះ បានចេញសេចក្ដីថ្លែងការណ៍ ដើម្បីគាំទ្រការធ្វើវិសោធនកម្មច្បាប់ ស្តីពីការងារ ដែលពាក់ព័ន្ធនឹងមាត្រា ១៤៤ថ្មី មាត្រា ១៦២ មាត្រា ៣០០ និងមាត្រាពាក់ព័ន្ធ។

សេចក្ដីថ្លែងការណ៍របស់សមាគមរោងចក្រកាត់ដេរនៅកម្ពុជា បានគាំទ្រនូវការធ្វើវិសោធនកម្មច្បាប់ ស្ដីពីការងារ ដែលពាក់ព័ន្ធនឹងទីមួយ កែសម្រួលអត្រាប្រាក់ឈ្នួលវេនការងារពេលយប់ ស្មើអត្រាវេនការងារថ្ងៃ ក្នុងមាត្រា ១៤៤ថ្មី និងមាត្រាពាក់ព័ន្ធ, ទីពីរ លុបការឈប់សម្រាកនៅថ្ងៃបន្ទាប់សម្រាប់បុណ្យចំលើថ្ងៃអាទិត្យ ក្នុងមាត្រា ១៦២ និង មាត្រាពាក់ព័ន្ធ និង ទី៣ ពង្រីកវិសាលភាពក្រុមប្រឹក្សាអាជ្ញាកណ្ដាល ក្នុងការដោះស្រាយវិវាទបុគ្គល ក្នុងមាត្រា ៣០០ និងមាត្រាពាក់ព័ន្ធ។

សមាគមរោងចក្រកាត់ដេរនៅកម្ពុជា បានបន្តថា ការធ្វើវិសោធនកម្មច្បាប់ស្ដីពីការងារនេះ ជាការធ្វើកំណែទម្រង់ដ៏ត្រឹមត្រូវ និងជាពេលដែលសាកសមបំផុត ព្រោះរួមចំណែកដល់ការបង្កើនសមត្ថភាពផលិតកម្ម និងសក្ដានុពលនៃការប្រកួតប្រជែងរបស់ប្រទេសលើឆាកអន្តរជាតិ ដើម្បីឱ្យកម្ពុជាក្លាយជាប្រទេសដែលមានការអភិវឌ្ឍខ្ពស់ផ្នែកឧស្សាហកម្ម និងសេវាកម្ម៕


អត្ថបទ៖ ចាន់ សោភ័ណ្ឌលាភ

  • អត្ថបទទាក់ទង :
  • Featured
Loading...

ពេញនិយម