Connect with us

អាកាសធាតុត្រជាក់ នឹងកើតឡើងនៅមណ្ឌលគិរី-រតនគិរី ក្នុងឱកាសចូលឆ្នាំចិន

ភ្នំពេញ៖ យោងតាមការតាមដានស្ថានភាពអាកាសធាតុរបស់ក្រសួងធនធានទឹក និងឧតុនិយម បានឱ្យដឹងថា ឥទ្ធិពលជ្រលងសម្ពាធខ្ពស់ និងខ្យល់មូសុងឦសានខ្សោយ កំពុងគ្របដណ្ដប់លើប្រទេសកម្ពុជា។ ស្ថានភាពបែបនេះ នឹងធ្វើឱ្យតំបន់ជួរភ្នំដងរែក និងខ្ពង់រាបឦសាន ដូចជា រតនគិរី និង មណ្ឌលគិរី នៅពេលព្រឹក មានសីតុណ្ហភាពអប្បបរមា ពី ១៩-២២ អង្សាសេ និង សីតុណ្ហភាពអតិបរមា ពី ២៩-៣១ អង្សាសេ ចាប់ពីថ្ងៃទី២១ ដល់ ២៧ ខែមករា ឆ្នាំ២០២០។

ចំណែកតំបន់មាត់សមុទ្រ សីតុណ្ហភាពអប្បបរមា ពី ២២-២៤ អង្សាសេ និងអតិប្បបរមា ពី ៣១-៣៣ អង្សាសេ អមដោយភាគរយដែលអាចកើតមាននូវភ្លៀងធ្លាក់ក្នុងកម្រិតតិចតួច។ តំបន់វាលទំនាប សីតុណ្ហភាពអប្បបរមា មានពី ២២-២៤ អង្សាសេ និង អតិបរមា មានពី ៣២-៣៤ អង្សាសេ ចាប់ពីថ្ងៃទី២១ ដល់ ២៧ ខែមករា ឆ្នាំ២០២០។

សូមជម្រាបថា ប្រជាពលរដ្ឋ អាចនឹងមានការធ្វើដំណើរច្រើនទៅតាមបណ្ដាខេត្តនានា ក្នុងឱកាសសែន និងបុណ្យចូលឆ្នាំប្រពៃណីចិន ដែលចាប់ផ្ដើមពីថ្ងៃទី២៤ ដល់ ២៧ ខែមករា ឆ្នាំ២០២០៕

អត្ថបទ៖ ចាន់ សោភ័ណ្ឌលាភ

  • អត្ថបទទាក់ទង :
  • Featured
Loading...

ពេញនិយម