អ្នកចាំទីរបស់ ManUtd ជួបគ្រោះថ្នាក់ចរាចរណ៍ ពេលជិះទៅហ្វឹកហាត់

អង់គ្លេស៖ Manchester United បានបញ្ជាក់ថា អ្នកចាំទី Sergio Romero មិនមានរង់របួសទេ ក្រោយជួបប្រទះរងគ្រោះថ្នាក់ចរាចរណ៍ កាលពីពេលអម្បាញ់មិញនេះ នៅពេលជិះឡាន Lamboorghini ថ្លៃជាង ២២ម៉ឺនដុល្លារ ទៅកន្លែងហ្វឹកហាត់របស់ក្លិប។

រូបភាពត្រូវបានបង្ហោះតាមអ៊ិនធឺណេតនៃរថយន្ត Lamborghini ដែលខូចខាតយ៉ាងធ្ងន់ធ្ងរនៅក្រោមរបាំងការពារធ្លាក់នៅលើផ្លូវ A6144 Carrington Spur កាលពីព្រឹកថ្ងៃច័ន្ទ។ ប៉ូលីស Greater Manchester បានបញ្ជាក់ថា ការបុកគ្នារវាងរថយន្ត Lamborghini មួយបានកើតឡើងនៅម៉ោង ១០ ព្រឹក ប៉ុន្តែមិនមាននរណាម្នាក់រងរបួស និងមិនមានរថយន្តផ្សេងទៀតចូលរួមទេ។

បើតាមសេចក្ដីរាយការណ៍របស់សារព័ត៌មាន The Sun បានឲ្យដឹងថា ឡានរបស់កីឡាករអ្នកចាំទីដៃទី២ រូបនេះ បានខូចខាតយ៉ាងដំណំ ដោយសារតែផ្លូវរអិលបុករនាំងអមចិញ្ចើមផ្លូវ។ ប៉ុន្តែសាមីខ្លួន មិនមានរបួសអ្វីឡើយ៕