Ronaldo ឡើង ១ចំណាត់ថ្នាក់ទៀត ក្នុងបញ្ជីកីឡាករស៊ុតបញ្ចូលទីច្រើនជាងគេ ក្នុងប្រវត្ដិសាស្រ្ដបាល់ទាត់

បរទេស៖ តារាឆ្នើម Cristiano Ronaldo កំពុងស្ថិតនៅចំណាត់ថ្នាក់ទី៥ ក្នុងនាមជាកីឡាករដែលរកគ្រាប់បាល់បានច្រើនជាងគេក្នុងប្រវតិ្ដសាស្រ្ដបាល់ទាត់ ក្រោយបន្ថែម ២គ្រាប់កាលពីចុងសប្ដាហ៍ ទល់នឹងក្រុម Parma។

ប្រធានក្រុមជម្រើសជាតិព័រទុយហ្គាល់រូបនេះ អាចស៊ុតបញ្ចូលទីច្រើនជាងវីរបុរសបាល់ទាត់អាឡឺម៉ង់ Muller  ក្នុងនាមជាកីឡាកររកគ្រាប់បាល់ច្រើនជាងគេទី៦ គិតទាំងការស៊ុតឱ្យក្លិប និងក្នុងក្រុមជម្រើសជាតិ។

កីឡាករវ័យ៣៤ឆ្នាំ គិតត្រឹមបច្ចុប្បន្ន អាចរកបានដល់ទៅ ៧៣៦គ្រាប់ ក្នុងការប្រកួតចំនួន ១០២៨ ខណៈដៃគូរប្រជែងរបស់គេបច្ចុប្បន្នគឺ Lionel Messi ស្ថិតនៅលេខ៧ ដោយមាន ៧១៧គ្រាប់ ក្នុង៩០១ប្រកួត៕