គ្រាន់តែបានខ្សែប្រយុទ្ធវ័យក្មេងភ្លាម Dortmund លក់ខ្សែប្រយុទ្ធចាស់ទៅឱ្យ Villarreal

អេស្ប៉ាញ៖ ខ្សែប្រយុទ្ធសញ្ជាតិអេស្ប៉ាញ Paco Alcacer បានចុះកិច្ចសន្យា ៥ ឆ្នាំកន្លះជាមួយក្លិប Villarreal ក្រោយផ្ទេរចេញពីក្លិប Borussia Dortmund ។

កីឡាករវ័យ ២៦ ឆ្នាំរូបនេះ មិនសូវបានចូលលេងក្នុងការប្រកួតឱ្យក្លិប Dortmund ទេ ចាប់តាំងពីទិញខ្សែប្រយុទ្ធ Erling Haaland ពីក្លិប Red Bull Salzburg ក្នុងតម្លៃខ្លួន ១៧ លានផោនកាលពីដើមខែមករា។ មានតែលោក Robert Lewandowski របស់ក្រុម Bayern Munich ប៉ុណ្ណោះដែលរកបានគ្រាប់បាល់ Bundesliga ច្រើនជាង Alcacer កាលពីរដូវកាលមុន។

គួរបញ្ជាក់ផងដែរថា Alcacer រកបាន ២៣ គ្រាប់ក្នុងការបង្ហាញខ្លួន ៣៧ ប្រកួតនៅលីហ្គ Bundesliga ឱ្យក្លិប Dortmund ក្រោយទិញពី Barcelona កាលពីឆ្នាំ ២០១៨៕