Connect with us

នៅខេត្តត្បូងឃ្មុំ ផ្ទៃដីជាង ៤ពាន់ហិចតា ត្រូវបានប្រជាពលរដ្ឋ ធ្វើការដាំដុះសណ្តែកដី ដោយសារតែមានទីផ្សារទាំងក្នុងស្រុក និង នៅប្រទេសជិតខាង

ត្បូងឃ្មុំ ៖ សណ្តែកដី គឺជាដំណាំកសិកម្មមួយប្រភេទ ដែលប្រជាកសិករក្នុងខេត្តត្បូងឃ្មុំ និយមដាំច្រើនបង្គួរ ដោយសារតែដំណាំមួយប្រភេទនេះ មានទីផ្សារល្អ ។


បើតាមការបញ្ជាក់របស់លោក ហេង ពិសិដ្ឋ ប្រធានមន្ទីកសិកម្ម រុក្ខាប្រម៉ាញ់ និងនេសាទ ខេត្តត្បូងឃ្មុំ បានអោយដឹងថា សណ្តែកដី មានទីផ្សារទាំងក្នុងស្រុក និង នាំចេញទៅក្រៅប្រទេស ដែលក្នុងនោះ តម្លៃសណ្តែកដីស្ងួត មានតម្លៃចន្លោះពី៣ពាន់រៀលឡើងទៅ ។
ដោយសារតែមានទីផ្សារល្អ ទើបផ្ទៃដីប្រមាណជាង 4ពាន់ហិកតា ត្រូវបានប្រជាកសិករក្នុងខេត្ត ត្បូងឃ្មុំ យកមកដាំដុះដំណាំសណ្តែកដី ដើម្បីរកប្រាក់ចំណូលសម្រាប់ទ្រទ្រង់ជីវភាពគ្រួសារ។


បើតាមការរៀបរ៉ាប់របស់ប្រជាកសិករ ដាំសណ្តែកដី បានឲ្យដឹងថា ការប្រមូលផលលើកមុន គឺមានទីផ្សារល្អ ពោលគឺពេលប្រមូលផល ក្នុងមួយគីឡូក្រាម សណ្តែកដីស្ងួតមានតម្លៃជាង ៣ពាន់រៀល ដែលតម្លៃនេះ ទូទាត់ថ្លៃចំណាយផ្សេងៗ អាចសល់ប្រាក់ចំណេញមួយចំនួន។


ពួកគាត់ បានអោយដឹងផងដែរថា សម្រាប់ទីផ្សារក្នុងស្រុកមានតម្លៃមិនទៀងទាត់នោះទេ តែពួក គាត់ សង្ឃឹមថា ការប្រមូលផលលើកក្រោយនឹងមានទីផ្សារល្អ ដែលធ្វើឲ្យពួកគាត់អាចទទួលបានប្រាក់ចំណេញច្រើនជាងនេះទៀត សម្រាប់ទ្រទ្រង់ជីវភាពគ្រួសារ ៕

 

  • អត្ថបទទាក់ទង :
  • Featured
Loading...

ពេញនិយម