Connect with us

អ្នកនិពន្ធរឿង “អន្ទាក់ស្នេហ៍” ចេញមុខបកស្រាយរឿងគេថាលោកចម្លងភាពយន្តពីបរទេស(មានវីដេអូ)

កម្សាន្ត៖ ភាពយន្តខ្មែររឿង “អន្ទាក់ស្នេហ៍” ត្រូវបានអ្នកទស្សនាភាពយន្តមួយចំនួនរិះគន់ថាបានចម្លងសាច់រឿង ស្នាមរបួសចាស់ ឬ The Scar របស់ប្រទេសថៃ និងបានអះអាងថា វីដេអូខ្លីនៃរឿងទាំងពីរ មានលក្ខណៈដូចគ្នាស្ទើតែទាំងស្រុង។លោកសាស្រ្តចារ្យ ចាន់ សារិន ផ្នែកល្ខោនយីកេ នៃសាលាមធ្យមសិក្សាសិល្បៈ ដែលជាកវីនិពន្ធរឿង “អន្ទាក់ស្នេហ៍” សូមលើកបញ្ជាក់ដល់សាធារណៈជនជ្រាបថារឿង “អន្ទាក់ស្នេហ៍” ជាសិល្ប៍សាស្រ្ត អត្ថបទនិពន្ធ នាថកថា របស់លោកដែលប្រើពេលគិតប្រមូលពីសាច់រឿងពិតរបស់ចាស់ទុំក្នុងស្រុកភូមិរបស់លោកធ្លាប់រស់នៅកាលពីយុវជនជំទង់មកសរសេរឡើង អស់រយៈពេល ១ ឆ្នាំ និងរៀបជាអត្ថបទភាពយន្តជិត ១ឆ្នាំទៀត។


ភាពយន្តអន្ទាក់ស្នេហ៍ ទៀតសោតឆ្លុះបញ្ចាំងពីស្នេហាស្មោះស្ម័គ្រ នៃគូសង្សារស្រុកស្រែ ដែលមានម្តាយជាអ្នកបំបែក ដើម្បីមាសប្រាក់របស់ចាស់ព្រើលមួយរូបដែលខ្វះសីលធម៌ និងមានចិត្តគំនិតកំណាញ់ស្វិត ល្បិចកល អាវ៉ាសែ ដើម្បីបោកយកនារីក្មេងមកជាគូអនាគតរបស់ខ្លួន។ លោកសាស្រ្តចារ្យ ចាន់ សារិន ដែលមានវ័យជាង ៥០ ឆ្នាំ បន្តថា សាច់រឿងនេះមានពិតក្នុងសម័យកាលលោកសាស្រ្តចារ្យនៅវ័យជាង ២០ ឆ្នាំ ដែលកាលនោះកម្ពុជាទើបតែមានសន្តិភាព ឆ្លងផុតពីរបបខ្មែរក្រហម។តម្លៃនៃសាច់រឿងនេះបានឆ្លុះបញ្ចាំងពីកិច្ចកតញ្ញូតាធម៌របស់កូនស្រីជូនដល់ម្តាយ សេចក្តីស្នេហាស្មោះស្ម័គ្រ ដោយហ៊ានលះបង់សេចក្តីសុខផ្ទាល់ខ្លួនដើម្បីដូរនឹងសេចក្តីសុខរបស់មនុស្សជាទីស្រលាញ់ និងចុងក្រោយជាការកែប្រែភាពអវិជ្ជមានរបស់មនុស្សចាស់ដែលខូចខិល។ នេះបើតាមការបញ្ជាក់របស់ សាស្រ្តចារ្យ ចាន់ សារិន កវីនិពន្ធខ្មែរម្ចាស់ពាន់រង្វាន់អក្សរសិល្ប៍ខ្មែរឆ្នាំ ២០០១ និង ២០០២។


ដោយហេតុថា មានប្រិយមិត្តរបស់រោងភាពយន្តជាច្រើន មានចម្ងល់ នឹងលើកឡើងបញ្ជាក់ពីការប្រើប្រាស់ប្លង់ថត ដូចគ្នា ទេសភាពដូចគ្នាមកបញ្ជាក់ ជាអំណះអំណាងថាភាពយន្តខ្មែរមួយនេះបានលួចចម្លងសាច់រឿងដើម “របួសចាស់” របស់ប្រទេសថៃ វាជាការជៀសមិនផុតឡើយ នេះបើតាមការលើកឡើងរបស់លោកសាស្ត្រចារ្យ។ រូបលោកបន្តទៀតថា ជាក់ស្ដែង ស្នេហារបស់ក្រមុំកម្លោះស្រុកស្រែកាលនោះ គឺមិនលើសពីក្នុងទឹកបឹង មានឈូក មានព្រលឹត មានវាលស្រែ និងមានខ្ទមអ្នកតាជាសាក្សីឡើយ។ ដូចនេះការប្រៀបធៀបដោយយកប្លង់ថត ប្រហាក់ប្រហែល មកបញ្ជាក់ វាឥតមានអ្វីខុសទេ តែបើយើងបើកចិត្តឱ្យទូលាយ ហើយគិតបន្តិចថា តើកម្លោះក្រមុំស្រុកស្រែ បើស្រលាញ់គ្នា កន្លែងណាទៀតដែលស័ក្តសមជាងនេះ ហើយថាតើ ស្រុកស្រែខ្មែរ និងស្រុកស្រែនៃប្រទេសថៃខុសគ្នាប៉ុនណា?
ទេសភាពដ៏ត្រកាលនៃស្រុកស្រែរបស់ខ្មែរ គិតមិនទាន់បាត់បង់សម្រស់នៅឡើយទេ ការថតជាន់ប្លង់នៃរឿងចាស់ វាតែងកើតឡើង ពិសេសអំបូររឿងស្នេហាស្រុកស្រែបែបនេះ តែថា គុណភាពនៃសាច់រឿង ពិតជាទាក់ភ្នែកទស្សនិកជនហើយទើបធ្វើឱ្យអ្នករឮកដល់រឿងចាស់ថែមទៀត។


យ៉ាងណាមិញ ទាំងផលិតករ អ្នកដឹកនាំរឿង និងក្រុមការងារជាខ្មែរទាំងអស់ ពិសេសអ្នកនិពន្ធរឿង “អន្ទាក់ស្នេហ៍” សង្ឃឹមថា អ្នកគាំទ្រកុនខ្មែរទាំងអស់ នឹងសាកល្បងទស្សនារឿងមួយនេះដើម្បីឈ្វេងយល់ពីភាពខុសគ្នានៃសាច់រឿងទាំងពីរ។
ក្រុមការងារក៏សូមមេត្តាសុំចិត្តប្រិយមិត្ត កុំទាន់អាល់រិះគន់ជាន់ពន្លិចភាពយន្តខ្មែរ មុនមិនទាន់បានទស្សនាពេញលេញ និងសូមកុំទាន់វាយតម្លៃរូបភាពវប្បធម៌របស់ខ្លួនថាជារបស់អ្នកដទៃ ហើយអ្វីដែលល្អថាជាគេ ហើយអ្វីដែលមិនល្អថាជាយើង ព្រោះថាយើងជាខ្មែរដូចគ្នា។ សូមផ្តល់តម្លៃ និងគោរពគ្នាទៅវិញទៅមកឱ្យស័ក្តសមជាខ្មែរអ្នកស្នេហាជាតិពិត៕

(មានវីដេអូ)

Interview Writer

លោកសាស្រ្តចារ្យ ចាន់ សារិន ផ្នែកល្ខោនយីកេ នៃសាលាមធ្យមសិក្សាសិល្បៈ ដែលជាកវីនិព្ធ រឿង “អន្ទាក់ស្នេហ៍” សូមលើកបញ្ជាក់សាធារណៈជនជ្រាបថា រឿង “អន្ទាក់ស្នេហ៍” ជាសិល្ប៍សាស្រ្ត អត្ថបទនិពន្ធ នាថកថា របស់លោកដែលប្រើពេលគិតប្រមូលពីសាច់រឿងពិត របស់ ចាស់ទុំ ក្នុងស្រុកភូមិរបស់លោក ធ្លាប់រស់នៅកាលពីយុវជនជំទង មកសរសេរឡើង អស់រយៈពេល ១ ឆ្នាំ និងរៀបជាអត្ថបទភាពយន្តជិត ១ឆ្នាំទៀត។ អ្នកនិពន្ធ ក៏ដូចជាក្រុមការងារផលិតទាំងអស់ សូមប្រិយមិត្តទាំងអស់ អញ្ជើញទៅទស្សនារឿងខ្មែរ មួយនេះ ដែលចាក់បញ្ចាំងគ្រប់រោងភាពយន្តចាប់ពីថ្ងៃទី ២០ ខែ កុម្ភៈ ឆ្នាំ ២០២០ នេះ ដើម្បីជ្រាបច្បាស់ និងស្រ័យចម្ងល់ពីបេះដូងអ្នកទាំងអស់គ្នា។ #អន្ទាក់ស្នេហ៍ #ផលិតកម្មSpaceSpProduction #KhmerFilm

Posted by អន្ទាក់ស្នេហ៍-The love hook on Sunday, February 9, 2020

  • អត្ថបទទាក់ទង :
  • Featured
Loading...

ពេញនិយម

WP2Social Auto Publish Powered By : XYZScripts.com