Rusameekae ធ្លាប់តែសម្តែងជាតួអង្គកំប្លែងឱ្យគេសើច ទាំងជីវិតពិតលោកជាកូនដែលមិនធ្លាប់ឃើញមុខឪពុកតាំងពីកើតមក

ប្រទេសថៃ៖ តារាសម្តែង Rusameekae ឬ បៃតង ដែលជាតួអង្គមួយរូបក្នុងរឿង “បេះដូងប្រែកាយ” តែងមានមុខក្នុងតួអង្គភេទទី៣ បែបកំប្លែងៗ ធ្វើឱ្យទស្សនិកជនជាច្រើន ផ្ទុះសំណើចតាម មិនថាក្នុងភាពយន្ត ឬ ឡើងកម្មវិធីប៉ុស្តិ៍ទូរទស្សន៍នោះទេ គឺជាតារាសម្តែងដែលមានមាឌធំ សម្បុរខ្មៅរលើប និងតែងបញ្ចេញធ្មេញសស្កុះទៅកាន់អ្នកគាំទ្រយ៉ាងស្រស់។

ប៉ុន្តែ បើក្រឡេកមើលពីខ្សែជីវិតពិតរបស់តារាមួយដួងនេះ Rasameekae មិនមានសំណាងបានជួបមុខឪពុកខ្លួនដោយផ្ទាល់តាំងពីកើតមកម្ល៉េះ។ ទោះជាយ៉ាងណាលោក ក៏នៅមានរូបថត១សន្លឹកទុកជាអនុស្សាវរីយ៍ដែរ។ ទោះមិនមានសំណាងបានឃើញមុខឪពុកផ្ទាល់ក៏ដោយ ក៏ពាក់ព័ន្ធនឹងការងារសិល្បៈវិញ ឃើញថាលោក ទទួលបានប្រជាប្រិយភាពខ្ពស់គួរកត់សម្គាល់ពីសំណាក់អ្នកគាំទ្រមិនថាក្នុងវិស័យភាពយន្ត បង្ហាញម៉ូត ឬ ឡើងកម្មវិធីតាមប៉ុស្តិ៍ទូរទស្សន៍ឡើយ៕

អត្ថបទ៖ គង់ ចាន់ស្រីនុច