Connect with us

សឹងតែមិនជឿ អ្នកនាង ឈិត សុជាតា ចេញមុខភ្លាមៗ ជួយដល់ទារកពិការម្នាក់ ដែលត្រូវម្តាយបោះបង់ចោលនៅមន្ទីរពេទ្យកុមារជាតិ

ភ្នំពេញ៖ ទារកដ៏កម្សត់មួយរូប កើតមកឆែបមាត់ និងពិការភ្នែកសងខាង ដែលត្រូវបានម្ដាយទុកចោលនៅមន្ទីរពេទ្យកុមារជាតិ បានទទួលការជួយភ្លាមៗពីអ្នកនាង ឈិត សុជាតា ។


បើតាមប្រភពព័ត៌មាន បានអោយដឹងថា អ្នកនាង ឈិត សុជាតា បានទៅដល់មន្ទីរពេទ្យកុមារជាតិ ដើម្បីសួរសុខទុក្ខទារកនោះដោយផ្ទាល់ ជាមួយនឹងការនាំយកនូវសម្ភារៈ និង ថវិកា ប្រគល់ជូនផងដែរ ។
មិនត្រឹមតែប៉ុណ្ណោះ អ្នកនាង ឈិត សុជាតា បានអះអាងថា នឹងខិតខំប្រឹងប្រែងប្រកាសស្វែងរកសប្បុរសជន និង អង្គការនានា ដើម្បីទទួលយកទារកនេះ ទៅចិញ្ចឹមផងដែរ ។


ទង្វើររបស់អ្នកនាង ឈិត សុជាតា នេះ បានធ្វើឲ្យមហាជន និង អ្នកលេងបណ្តាញសង្គម សម្តែងការកោតសរសើរ គាំទ្រ និង ជូនពរដល់អ្នកនាង ឈិត សុជាតា ផងដែរ ។
ថ្លែងប្រាប់ MYTV Plus អ្នកនាង ឈិត សុជាតា បាននិយាយថា គាត់មានចិត្តអាណិតក្មេងនោះ មែនទែន និងងឿយឆ្ងល់ថា ហេតុអីបានជាម្តាយ បង្កើតគ្នាហើយទុកគ្នាចោលធ្វើអី ទោះគ្នាមានរាងកាយមិនគ្រប់គ្រាន់ដូចគេក៏ដោយ ក៏នៅតែជាកូនដែរ ហេតុម៉េច ក៏ចិត្តដាច់ម្ល៉េះ ។


គួរបញ្ជាក់ថា ព័ត៌មានពីទារកនេះ ត្រូវបានចែកចាយតរៗគ្នា នៅលើបណ្តាញទំនាក់ទំនងសង្គម ហើយក៏មានអ្នករិះគន់យ៉ាងចាស់ដៃ ទៅលើម្តាយទារកនោះ ថា មិនបានទទួលខុសត្រូវក្នុងនាមជាម្តាយផងដែរ ៕

 
អត្ថបទ៖ ឡុង រតនា

  • អត្ថបទទាក់ទង :
  • Featured
Loading...

ពេញនិយម