កម្ពុជាកំពុងទទួលបានឱកាសអភិវឌ្ឍន៏វិស័យត្បូងពេជ្រ និងគ្រឿងអលង្ការ

រយៈពេល៥ឆ្នាំកន្លងមកនេះ ប្រទេសកម្ពុជាបាន និងកំពុងអភិវឌ្ឍន៏វិស័យគ្រឿងអលង្ការ និងត្បូងមានតំលៃរបស់ខ្លួន និងទទួលបានឱកាសកាន់តែច្រើនជាងមុន។

បន្ទាប់ពីកម្ពុជាចូលទៅក្នុងប្រព័ន្ធពិភពលោក Kimberley process នៅចុងឆ្នាំ២០១២បូករួមនឹងការអនុគ្រោះពន្ធលើការនាំចេញគ្រឿងអលង្ការ និងត្បូងមានតំលៃពីកម្ពុជាទៅកាន់ទីផ្សារសហរដ្ឋអាមេរិក កំពុងតែទាក់ទាញវិនិយោគិនពីខាងក្រៅច្រើនឡើងអោយមកវិនិយោគលើការកែច្នៃត្បូងមានតំលៃនៅប្រទេសកម្ពុជា។

អ្នកជំនាញក្នុងវិស័យនេះបានអះអាងថា ការទទួលបានជោគជ័យក្នុងការចូលទៅក្នុងប្រព័ន្ធពិភពលោក Kimberley process របស់កម្ពុជា នឹងអាចធ្វើអោយកម្ពុជាក្លាយទៅជាមជ្ឈមណ្ឌលកែច្នៃត្បូងដ៏សំខាន់មួយក្នុងតំបន់ទៀតផង។

សូមបញ្ជាក់ថា យោងតាមតួលេខក្រសួងពាណិជ្ជកម្មកម្ពុជាបានបង្ហាញថា ការធ្វើពាណិជ្ជកម្មត្បូងមានតំលៃរបស់កម្ពុជាក្នុង១ឆ្នាំៗមានទឹកប្រាក់ដល់ទៅជាង១០០លានដុល្លារ៕