ផ្អើលពេញមុខវិទ្យាល័យព្រះស៊ីសុវត្ថិ រឿងដកលោកនាយកសាលា ហើយយកសាលាមួយនេះដាក់ទៅជាសាលាឯកជនវិញ

ភ្នំពេញ៖ មានការភ្ញាក់ផ្អើលមួយមិនសុខចិត្តពីលោកគ្រូអ្នកគ្រូនៃវិទ្យាល័យព្រះស៊ីសុវត្ថិ ពេលឮដំណឹងថាត្រូវដកលោកនាយកវិទ្យាល័យព្រះស៊ីសុវត្ថិ មូល ស៊ុយហេងដោយគ្មានមូលហេតុ។

ជាក់ស្តែងមានលោកគ្រូអ្នកគ្រូ ១៤៧ អ្នកនៃវិទ្យាល័យដ៏ចាស់បុរាណមួយនេះបានប្តិតមេដៃតវ៉ាប្រឆាំងដាច់ខាតនូវការដកលោកនាយកគ្រប់គ្រងសាលាវិទ្យាល័យព្រះសុីសុវត្ថិ ។
ជាងនេះទៅទៀតការដកនេះ គឺដាក់បញ្ចូលវិទ្យាល័យព្រះស៊ីសុវត្ថិទៅជា សាលាជំនាន់ថ្មី ដែលហៅកាត់ NGS គឺប្រៀបដូចទៅនឹងសាលាឯកជនមួយកើតឡើងលើវិទ្យាល័យមួយនេះផងដែរ។

ខណៈពេលក៏ឃើញមានលោកគ្រូអ្នកគ្រូ នឹងសិស្សសានុសិស្សមកលើកផ្លាកដោយសរសេរមិនគាំទ្រនៅចំណាត់ការដែលដកលោកនាយកសាលា ចេញនោះទេ។
សិស្សម្នាក់បាននិយាយថា សាលាវិទ្យាល័យព្រះស៊ីសុវត្ថិ ជាសាលាដែលសល់ពីជំនាន់ព្រះបាទ សុីសុវត្ថិ មកម្ល៉េះមិនត្រូវយកសាលានេះអោយទៅជាសាលាឯកជននោះ។

សិស្សនិស្សិតដែលធ្លាប់រៀននៅសាលាបន្តថានៅតែបន្តការតវ៉ាបើសិនមិនមានការដោះស្រាយរឿងដកលោកគ្រូនាយក នឹងផ្ទេរសាលានេះទៅជាសាលាឯកជន៕

អត្ថបទ៖ ឡុង រតនា