តារាសម្តែងដ៏ល្បីរបស់ប្រទេសថៃ អ្នកនាង Noey chotika ទទួលបានសមាជិកថ្មីបន្ថែម មើលទៅពិតជាគួរឱ្យស្រឡាញ់

១០ ខែមុន

ខែមេសា ២, ២០២០ កម្សាន្ត

ថៃ៖ ថ្ងៃទី០២ ខែមេសា ឆ្នាំ២០២០ វេលាម៉ោង៣:៣០នាទីរសៀល តារាសម្តែងដ៏ល្បីរបស់ប្រទេសថៃ អ្នកនាង Noey chotika បើកទំព័រជាថ្មីសម្រាប់ស្វាគមន៍សមាជិកថ្មី ដែលជាកូនទី២ ហើយក៏ជាកូនស្រីដ៏គួរឱ្យស្រឡាញ់ក្នុងមួយឆាកជីវិតរបស់គាត់។ ទាំងនេះបានធ្វើឱ្យ អ្នកនាង Noey chotika ញញឹមបិទមាត់មិនជិតឡើយ។

កូនស្រីរបស់ អ្នកនាង Noey chotika មានឈ្មោះ Nallin Maneejai ប្រៀបដូចជាព្រះចន្ទដែលទើបតែកើតនៅថ្ងៃនេះតែម្តង ហើយក៏ជាជីវិតមួយដែលជួយបំភ្លឺក្នុងចិត្តរបស់អ្នកនាងផងដែរ។

អ្នកនាង Noey chotika បានបង្ហោះសាររបស់នៅលើបណ្តាញសង្គម Instagram ដោយបានសរសេរដូច្នេះថា៖ “សួស្តីខ្ញុំឈ្មោះ Nallin Maneejai ។ មានន័យថាព្រះចន្ទកើតនៅថ្ងៃទី ០២ ខែមេសា ឆ្នាំ២០២០ មានទម្ងន់ ៣,១៥ គីឡូក្រាម កម្ពស់ ៥០ ស.ម។សូមអរគុណពីអ្នកទាំងអស់គ្នា។ ហើយក៏សូមថ្លែងអំណរគុណដល់ក្រុមគ្រូពេទ្យរបស់លោក អាហ្សាហាន់ ប៊ុនគ្រី,វេជ្ជបណ្ឌិត យូ សានី,លោកវេជ្ជបណ្ឌិត រ៉ាង ផុង និង ក្រុមគ្រូពេទ្យនៃមន្ទីរពេទ្យ Samitivej Sukhumvit ទាំងអស់គ្នា សុទ្ធតែយកចិត្តទុកដាក់ថែរក្សាកុមារគ្រប់ៗគ្នា ហើយក៏បានកាត់បន្ថយការព្រួយបារម្ភផ្សេងៗ ដូច្នេះយើងកាន់តែមានផាសុខភាព”៕