ក្រោយចាក់បបូរមាត់ឱ្យធំជាលើកទី ២០ ស្ត្រីរូបនេះនៅតែមានបំណងចង់ចាក់ឱ្យធំជាងនេះនៅ ២ ខែក្រោយ

៨ ខែមុន

ខែឧសភា ៨, ២០២០ កម្សាន្ត

កម្សាន្ត៖ Andrea Ivanova វ័យ ២២ ឆ្នាំបានចាក់បបូរមាត់ជាលើកទី ២០ ដោយសារនាងចង់បានបបូរមាត់ធំព្រោះនាងគិតថាបបូរកាន់តែធំ កាន់តែឱ្យនាងមានភាពជឿជាក់ និងពេញចិត្តខ្លួនឯងជាខ្លាំង។ ស្ត្រីជនជាតិ ប៊ុលហ្គារី រូបនេះក៏មានគម្រោងនឹងចាក់ឱ្យធំបន្ថែមជាងនេះទៀត ប៉ុន្តែវេជ្ជបណ្ឌិតរបស់នាងបានប្រាប់ថាយ៉ាងហោចណាស់នាងត្រូវរង់ចាំរយៈពេល ២ ខែទៀតទើបអាចចាក់បន្ថែមបាន។

គួរបញ្ជាក់ថា Andrea Ivanova បានចាក់បបូរមាត់ឱ្យធំតាំងពីឆ្នាំ ២០១៨ មកម្ល៉េះ ហើយបបូរមាត់ថ្មីរបស់នាងលើកចុងក្រោយនេះក៏ទើបតែចាក់ហើយកាលពីថ្ងៃអង្គារនេះដែរ ដោយនាងបានបង្ហោះរូបភាពខ្លួនក្នុងគណនី IG របស់រហូតទទួលបានការចាប់អារម្មណ៍មានអ្នកចុចតាមដានកើនដល់ ៣២.១ ពាន់នាក់ឯណោះ ហើយនាងបានបញ្ជាក់ថា បបូរមាត់កាន់តែធំកាន់តែល្អ៕