ប្រទេសដាណឺម៉ាកអនុញ្ញាតឱ្យគូស្នេហ៍ទាំងអស់ឆ្លងកាត់ព្រំដែនដើម្បីជួបគ្នា ប្រសិនជាពួកគេបង្ហាញរូបថតដែលបានទាក់ទងគ្នាយ៉ាងហោចណាស់ ៦ខែ

សង្គម៖ ប្រទេសដាណឺម៉ាក បានបន្ធូរបន្ថយការបិទព្រំដែនរបស់ខ្លួនជាមួយប្រទេសណ័រឌីក និងអាល្លឺម៉ង់ កាលពីថ្ងៃចន្ទ ទី២៥ ខែឧសភា ម្សិលមិញនេះ ដើម្បីអនុញ្ញាតឱ្យគូស្នេហ៍ដែលកំពុងរស់នៅដាច់ដោយឡែកដោយសារវីរុសកូវីដ-១៩ដែលវាយលុកពិភពលោក បានជួបគ្នាម្តងទៀត។

មន្ត្រីប៉ូលិសដាណឺម៉ាកបានឱ្យដឹងថា គូស្នេហ៍ដែលចង់ជួបគ្នាក្នុងកំឡុងពេលនេះ គឺតម្រូវឱ្យពួកគេបង្ហាញរូបថតដែលបានទាក់ទងគ្នាយ៉ាងហោចណាស់ ៦ខែឡើង និងសារដែលបានសន្ទនាជាមួយគ្នា រួមទាំងព័ត៌មានខ្លះៗពីដៃគូខ្លួន ទើបគូស្នេហ៍ទាំងនោះ មានសិទ្ធិអាចជួបគ្នាបាន៕

ប្រភព៖ CNA

ប្រែសម្រួល៖ គង់ ចាន់ស្រីនុច