Connect with us

ជប៉ុន ដកសេចក្ដីទុកចិត្តលើថ្នាំ Avigan ដោយមិនឱ្យប្រើសម្រាប់ព្យាបាលអ្នកជំងឺកូវីដ១៩ឡើយ

តូក្យូ៖ ថ្នាំ Avigan ដែលត្រូវបានរាយការណ៍ថា មានប្រសិទ្ធភាពក្នុងការព្យាបាលជំងឺកូវីដ១៩ នាពេលកន្លងទៅ ត្រូវបានរដ្ឋាភិបាលជប៉ុន សម្រេចបដិសេធវិញ ដោយមិនអនុញ្ញាតឱ្យប្រើប្រាស់សម្រាប់ព្យាបាលអ្នកជំងឺកូវីដ១៩នោះទេ។ នេះបើយោងតាមការចុះផ្សាយរបស់ទីភ្នាក់ងារសារព័ត៌មាន Reuters នៅថ្ងៃទី២៦ ខែឧសភា ឆ្នាំ២០២០។

ការមិនអនុញ្ញាតឱ្យប្រើប្រាស់ថ្នាំ Avigan នេះ បានធ្វើឡើង បន្ទាប់ពីសេចក្ដីរាយការណ៍កាលពីខែមីនា ឆ្នាំ២០២០ បានឱ្យដឹងថា ថ្នាំ Avigan បានព្យាបាលអ្នកជំងឺកូវីដ១៩ ឱ្យជាសះស្បើយ។ រីឯរដ្ឋាភិបាលជប៉ុន ក៏ទើបតែជំរុញឱ្យក្រុមហ៊ុន Fujifilm ផលិតថ្នាំ Avigan ជាច្រើនថែមទៀត សម្រាប់ព្យាបាលអ្នកជំងឺក្នុងស្រុក និងគ្រោងចែកចាយទៅកាន់ក្រៅប្រទេសផងដែរ។

យ៉ាងណាមិញ លទ្ធផលថ្មីៗនេះ នៅក្នុងការធ្វើតេស្តដោយវិធីសាស្ត្រព្យាបាលដោយថ្នាំ Avigan មិនបានបង្ហាញភស្តុតាងនៃប្រសិទ្ធភាពរបស់ថ្នាំ ទៅលើអ្នកជំងឺកូវីដ១៩ឡើយ៕

ប្រភព៖ Reuters

ប្រែសម្រួល៖ លាភ

Loading...

ពេញនិយម