មន្ត្រីប៉ូលិសនៅទីក្រុងញូយ៉កនាំគ្នាលុតជង្គង់ជាមួយក្រុមបាតុករដែលបានបាតុកម្មតវ៉ាការស្លា ប់របស់បុរសស្បែកខ្មៅ George Floyd

អាមេរិក៖ បាតុកម្មរវាងបាតុករជនជាតិស្បែកខ្មៅបានធ្វើការតវ៉ាទាមទារយុត្តិធម៌នៃការរើសអើងជនជាតិស្បែកខ្មៅក្រោយប៉ូលិសស្បែកសជនជាតិអាមេរិកបានសង្កត់កជនរងគ្រោះ George Floyd រហូតដល់ដាច់ខ្យល់ស្លា ប់នៅទីសាធារណៈដែលមានមនុស្សជាច្រើនបានឃើញ និងវីដេអូជាភស្តុតាងផងនោះ បានធ្វើឱ្យក្រុមបាតុករមានការខឹងសម្បាររហូតដល់នាំគ្នាដុតប៉ុស្តិ៍ប៉ូលិសនៅរដ្ឋ Minneapolis សហរដ្ឋអាមេរិក រួមទាំងហាងទំនិញធំៗក្នុងតំបន់នោះបង្ករចលាចលជាខ្លាំង។

ប្រធាននាធិបតេយ្យអាមេរិកលោក ដូណាល់ត្រាំ បានបញ្ជាក់ថាលោកមិនអាចឱ្យក្រុមបាតុករទាំងនោះធ្វើអ្វីតាមអំពើចិត្តរហូតធ្វើឱ្យប្រទេសដែលលោកកំពុងគ្រប់គ្រងគ្មានសណ្តាប់ធ្នាប់បែបនេះឡើយ ប៉ុន្តែទោះជាយ៉ាងណា លោកក៏បានអះអាងថានឹងស៊ើបអង្កេតលើហេតុការណ៍នេះផងដែរ។

គួរបញ្ជាក់ដែរថា កាលពីថ្ងៃអាទិត្យម្សិលមិញនេះក្រុមបាតុករមានការភ្ញាក់ផ្អើលជាខ្លាំងនៅពេលដែលមន្ត្រីប៉ូលិសជាច្រើនរូបបាននាំគ្នាលុតជង្គង់ជាមួយក្រុមបាតុករទាំងនោះ។ Aleeia Abrahaជាអ្នកថតវីដេអូនៃទិដ្ឋភាពពេលនោះបាននិយាយថា លោកពិតជាមិននឹកស្មានដល់ឡើយ ព្រោះលោកមិនដែលឃើញទិដ្ឋភាពបែបនេះតាំងពីដើមមក៕

ប្រភព៖ CNN

ប្រែសម្រួល៖ គង់ ចាន់ស្រីនុច