កួនតោ កើតមកមានរោមពណ៌ស ត្រូវបានមេរបស់វាបោះបង់ចោល

៧ ខែមុន

ខែមិថុនា ១១, ២០២០ សង្គម

អេស្ប៉ាញ៖ កូនតោ ដែលត្រូវបានគេហៅថា “ស្ដេចស (White King)” បានកើតត្រឹមតែ ១០ថ្ងៃ ត្រូវបានមេរបស់វាបោះបង់ចោល ដោយសារពណ៌សម្បុររោមរបស់កូនតោនោះ ដែលមានពណ៌ស។

កូនតោពណ៌ស ដ៏គួរឱ្យស្រឡាញ់នេះ បានកើតនៅថ្ងៃទី៣១ ខែឧសភា ឆ្នាំ២០២០។ បច្ចុប្បន្ន វាត្រូវបានរក្សាទុកនៅឯសួនសត្វមួយ នៅក្នុងប្រទេសអេស្ប៉ាញ។ លោក Juan Luis Malpartida អ្នកគ្រប់គ្រងសួនសត្វ Mundo Park នៅអេស្ប៉ាញ ដែលស្ថិតនៅភាគខាងត្បូងក្រុងសេវីល (Seville) បានប្រាប់ថា កូនតោឈ្មោះ White King មិនមានមេដែលផ្ដល់ភាពកក់ក្ដៅ ហើយមិនមានទឹកដោះគ្រប់គ្រាន់ពីមេរបស់វាសម្រាប់បៅនោះទេ។

អ្នកគ្រប់គ្រងសួនសត្វខាងលើ បានឱ្យដឹងថា កើតបាន៣ថ្ងៃដំបូង កូនតោដ៏កម្សត់នេះ មិនអាចបៅមេរបស់វាបានឡើយ ព្រោះមេរបស់វា ហាក់មិនខ្វាយខ្វល់ពីវាឡើយ។ ឃើញដូច្នេះ ក្រុមការងារសួនសត្វ បានទាញកូនតោពណ៌សនេះ ចេញមកក្រៅ ដើម្បីផ្ដល់បំបៅទឹកដោះ។ កាលពីថ្ងៃពុធម្សិលមិញ កូនតោសនេះ ទើបតែអាចរត់បានផងដែរ។