Connect with us

ក្រោយទៅឡើងភ្នំ ឈឺចាប់សាច់ដុំ វិធីទាំងនេះអាចជួយកាត់បន្ថយបាន

ឡើងភ្នំ ជាទំនោរថ្មីមួយដើម្បីទទួលបានភាពស្រស់ស្រាយតាមធម្មជាតិ សម្រាប់មនុស្សស្ទើរតែគ្រប់វ័យនាពេលថ្មីៗនេះ។ តែយ៉ាងណា ក្រោយការធ្វើដំណើរកម្សាន្តបែបផ្សងព្រេងនេះ អាការៈមួយចំនួននឹងកើតឡើង ដូចជាឈឺចុកចាប់សាច់ដុំ ចុករួយលើរាងកាយជាដើម។ តាមរយៈ អ្នកជំនាញលើបទពិសោធឡើងភ្នំ ក៏ដូចជាគន្លឹះណែនាំមួយចំនួនពីក្រុមគ្រូពេទ្យនៅសិង្ហបុរី បានចែករំលែកនូវចំណុចមួយចំនួនខាងក្រោមនេះ៖

១. ស្អំទឹកកក

ប្រសិនបើសម្គាល់ឃើញថា សាច់ដុំឡើងហើមឈឺខ្លាំង ឬត្រង់កន្លែងសន្លាក់ ឬ មានរបួសគ្នាយើងអាចប្រើទឹកកកដាក់ថង់ដោយរុំនឹងកន្សែងពោះគោ រួចយកទៅស្អំលើកន្លែងដែលពឺតឈឺនោះរយៈពេល១៥នាទី។ ដោយឡែក ករណីដែលសាច់ដុំ ឈឺធម្មតាមិនហើម យើងអាចប្រើកម្តៅវិញ ដោយមានរបស់ក្តៅឧណ្ហៗ អាចខ្ចប់ ឬ រុំបានទៅស្អំលើសាច់ដុំរយៈពេល ១៥ នាទី ដើម្បីជំរុញចលនាឈាមដើរស្រួល និងជួយសម្រាលសាច់ដុំបានធូរស្បើយ។

២. ម៉ាស្សា

ពិតណាស់ការសម្រាក និងម៉ាស្សា នឹងជួយគ្នាយើងឱ្យបានធូរស្រាលពីភាពតានតឹងលើសាច់ដុំ ដោយវិធីនេះអាចបន្ធូរបន្ថយការឈឺចុកចាប់បាន និងមានប្រសិទ្ធភាព។

៣. លាតសន្ធឹងដៃជើង

សណ្តូកជើង និងលាតដៃ ឱ្យអស់ប្រហែលរយៈពេល ១០ នាទី។ បន្ថែមពីនោះយើងអាចធ្វើចលនាបន្តិចបន្តួច ដើរ ហែលទឹក (ចលនាសម្រាក មិនបង្ខំ) ឬធ្វើចលនាស្រាលៗ ដែលអាចជួយសម្រាលបានផងដែរ។

៤. ងូតទឹកក្តៅឧណ្ហៗ

ការងូតទឹកក្តៅឧណ្ហៗ ក៏អាចជួយយើងបាន ដោយជួយសម្រាលការតឹងសាច់ដុំ ជំរុញចលនាចរន្តឈាមរត់ ជួយយើងឱ្យបានធូរស្បើយពីអាការៈឈឺចាប់សាច់ដុំនេះបានដែរ៕

ប្រភព៖ Hellokrupet

Loading...

ពេញនិយម