ភ្នាក់ងារ History D&C ចេញមុខបកស្រាយពីពាក្យចចាមអារ៉ាមដែលថា Song Joong Ki កំពុងមានទំនាក់ទំនងស្នេហាថ្មី

១ ឆ្នាំមុន

ខែមិថុនា ១២, ២០២០ កម្សាន្ត

កូរ៉េខាងត្បូង៖ រយៈពេលជិត ១ ឆ្នាំហើយដែលតារាសម្តែងល្បីឈ្មោះ Song Joong ki និង Song Hye Kyo បានលែងលះគ្នា។ ក្រោយប្រកាសចែកផ្លូវគ្នាមិនបានប៉ុន្មានផង អ្នកទាំងពីរ សុទ្ធតែបានរងនូវពាក្យចចាមអារ៉ាមនៃទំនាក់ទំនងស្នេហាថ្មីរៀងៗខ្លួន។

ជាក់ស្តែង ថ្មីៗនេះ តារាសម្តែង Song Joong Ki បានរងនូវពាក្យចចាមអារ៉ាមថា គេកំពុងមានទំនាក់ទំនងស្នេហាជាមួយមេធាវីម្នាក់។ ទោះជាយ៉ាងណា ភ្នាក់ងារក្រុមហ៊ុន History D&C ក៏បានចេញសេចក្តីថ្លែងការណ៍ជាផ្លូវការច្រានចោលពាក្យចចាមអារ៉ាមទាំងនេះដោយបានរៀបរាប់ថា៖
“ពាក្យចចាមអារ៉ាមដែល Song Joong Ki មានទំនាក់ទំនងស្នេហានោះគឺមិនពិតឡើយ ពេលនេះ Song Joong Ki កំពុងតែមានភាពមមាញឹកខ្លាំងនឹងការថតភាពយន្តថ្មី”។

គួរបញ្ជាក់ដែរថា ភាពយន្តថ្មីដែល Song Joong Ki កំពុងតែមានភាពមមាញឹកជាមួយនោះ គឺរឿង Bogota ដែលត្រូវថតនៅប្រទេសកូឡុំប៊ី ប៉ុន្តែដោយសារតែវីរុសកូវីដ ក្រុមការងារទាំងអស់ក៏ត្រូវត្រឡប់ទៅប្រទេសកូរ៉េខាងត្បូងវិញមួយរយៈ។ ទោះជាយ៉ាងណា Song joong Ki ក៏បានត្រៀមខ្លួនរួចជាស្រេចក្នុងការទទួលការងារជាច្រើនទៀតផងដែរ៕