មកស្គាល់ទីតាំងសម្រាប់ធ្វើវិញ្ញាបនបត្រសុខភាពលើជំងឺកូវីដ១៩

ភ្នំពេញ៖ ដោយហេតុថា បណ្ដាប្រទេសមួយចំនួន តម្រូវឱ្យអ្នកដំណើរមានវិញ្ញាបនបត្របញ្ជាក់សុខភាពលើជំងឺកូវីដ១៩ (COVID-19) នៅពេលចូលទៅកាន់ប្រទេសទាំងនោះ ថ្ងៃនេះ MyTV Plus សូមណែនាំនូវទីតាំងសម្រាប់ចេញវិញ្ញាបនបត្របញ្ជាក់សុខភាពនេះ។

មន្ទីរពិសោធន៍បង្អែកជាតិរបស់វិទ្យាស្ថានជាតិសុខភាពសាធារណៈ ត្រូវបានទទួលស្គាល់ និងអនុញ្ញាតដោយក្រសួងសុខាភិបាលក្នុងការចេញវិញ្ញាបនប័ត្រសុខភាពលើតេស្តជំងឺកូវីដ១៩ (COVID 19) សម្រាប់អ្នកដែលមានបំណងធ្វើដំណើរទៅក្រៅប្រទេស។ ទីតាំងរបស់មន្ទីរពិសោធន៍បង្អែកជាតិរបស់វិទ្យាស្ថានជាតិសុខាភិបាលសាធារណៈ ស្ថិតនៅលើវិថីសម្ដេច ប៉ែននុត (២៨៩) សង្កាត់បឹងកក់ទី២ ខណ្ឌទួលគោក រាជធានីភ្នំពេញ។

សម្រាប់លោកអ្នកដែលចង់បានវិញ្ញាបនបត្រសុខភាពលើជំងឺកូវីដ១៩ ចូរទៅពិគ្រោះ និងធ្វើតេស្តនៅមន្ទីរពិសោធន៍បង្អែកជាតិរបស់វិទ្យាស្ថានជាតិសុខភាពសាធារណៈ ដោយភ្ជាប់មកជាមួយ លិខិតឆ្លងដែនដែលមានសុពលភាព (ប៉ាស្ព័រ)៕

អត្ថបទ៖ លាភ