Connect with us

ជំងឺកូវីដ១៩ សម្លា ប់ប្រជាពលរដ្ឋអាមេរិក ច្រើនជាងសង្គ្រាមលោកលើកទី១ទៅទៀត

អាមេរិក៖ គិតមកទល់ថ្ងៃទី១៦ ខែមិថុនា ឆ្នាំ២០២០ សហរដ្ឋអាមេរិក រកឃើញពលរដ្ឋរបស់ខ្លួន ដែលស្លាប់ដោយសារជំងឺកូវីដ១៩ មានចំនួនច្រើនជាងការស្លាប់របស់កងទ័ពអាមេរិក នៅក្នុងសង្គ្រាមលោកលើកទី១ទៅទៀត។

គិតត្រឹមយប់ថ្ងៃអង្គារម្សិលមិញ អាមេរិក មានចំនួនអ្នកស្លាប់ដោយកូវីដ១៩ កើនដល់ជិត ១១៧០០០នាក់ ខណៈអាមេរិក មានបាត់បង់ទាហានក្នុងសង្គ្រាមលោកលើកទី១ នៅក្នុងចំនួន ១១៦៥១៦ នាក់ នេះបើយោងតាមរបាយការណ៍ពីអាមេរិក។

អាមេរិក រកឃើញអ្នកបានឆ្លងកូវីដ១៩សរុបចំនួនជាង ២,១ លាននាក់ ដែលធ្វើឱ្យខ្លួនគឺជាប្រទេសទីមួយ ដែលមានការរាតត្បាតខ្លាំងបំផុត។ អាមេរិក មិនទាន់បើកព្រំដែននោះទេ សម្រាប់ប្រទេសម៉ិកស៊ិក និងកាណាដា។ យ៉ាងណាមិញ គេអាចបើកព្រំដែននៅថ្ងៃទី២១ ខែកក្កដាខាងមុខនេះ៕

ប្រភព៖ AFP

ប្រែសម្រួល៖ លាភ

Loading...

ពេញនិយម