Connect with us

បុគ្គលិកក្រុមហ៊ុនអាកាសចរណ៍អាមេរិក ៥០០នាក់ ឆ្លងជំងឺកូវីដ១៩, ស្លា ប់១០នាក់

អាមេរិក៖ បុគ្គលិករបស់ក្រុមហ៊ុនអាកាសចរណ៍អាមេរិក (Delta Air Lines) បានឆ្លងជំងឺកូវីដ១៩ ក្នុងនោះ ១០នាក់ បានស្លាប់។ នេះបើយោងតាមសារព័ត៌មានក្នុងស្រុក AJC ចុះផ្សាយកាលពីពេលថ្មីៗនេះ។

នាយកប្រតិបត្តិនៃក្រុមហ៊ុនអាកាសចរណ៍ Delta Air Lines លោក Ed Bastian បានឱ្យដឹងថា បុគ្គលិកដែលបានឆ្លងជំងឺកូវីដ១៩ ភាគច្រើនបានជាសះស្បើយ។ លោកបានថ្លែងដូច្នេះនៅក្នុងកិច្ចប្រជុំដែលមានការចូលរួមពីដៃគូវិនិយោគជាច្រើន កាលពីថ្ងៃព្រហស្បតិ៍ សប្ដាហ៍មុន។

ប្រភពដដែលបន្តថា ក្រុមហ៊ុន Delta គ្រោងធ្វើតេស្តរកជំងឺកូវីដ១៩ លើបុគ្គលិករបស់ខ្លួនទាំងអស់។ បុគ្គលិកប្រមាណ ១ម៉ឺននាក់ ត្រូវបានអនុញ្ញាតឱ្យធ្វើការពីផ្ទះ ខណៈបុគ្គលិកតាមផ្នែកមួយចំនួន តម្រូវឱ្យធ្វើការនៅទីតាំងផ្ទាល់តែម្ដង៕

ប្រែសម្រួល៖ លាភ

Loading...

ពេញនិយម