Connect with us

Burnley ប្រកាសមិនបន្តកុងត្រាថ្មីសម្រាប់អ្នកចាំទី Joe Hart

Premier League៖ ក្លិប Burnley បានប្រកាសពីការមិនបន្តកុងត្រាថ្មីជាមួយអ្នកចាំទី Joe Hart នោះទេ ខណៈសុពលភាពកុងត្រាចាស់រវាងពួកគេ នឹងផុតនៅខែនេះ។

Joe Hart វ័យ៣៣ឆ្នាំ បានចូលរួមជាមួយ Burnley ដោយចេញពីក្លិប Man City កាលពីឆ្នាំ ២០១៨ តម្លៃ ៣,៥លានផោន។ គេបានចាប់ផ្តើមបាត់បង់កៅអី ក្រោយចាញ់ Everton ៥-១ លើទឹកដីខ្លួនឯង កាលពីខែធ្នូ ឆ្នាំ២០១៨នោះ ខណៈរដូវកាលនេះ Joe Hart បង្ហាញខ្លួនបានតែ៣លើកប៉ុណ្ណោះ ដោយ៣ប្រកួតនោះ មិនមែននៅ Premier League ទៀត។ សរុបរយៈពេល២រដូវកាលនៅ Burnley អ្នកចាំទីជម្រើសជាតិអង់គ្លេសនេះ បង្ហាញខ្លួនបាន២៤លើក។

ក្រោយអស់សុពលភាពកិច្ចសន្យា មានន័យថា ចាប់ពីខែក្រោយ Joe Hart ដែលជាអតីតវីរបុរស Man City និងជាអ្នកចាំទីដែលធ្លាប់ទទួលបានពានរង្វាន់អ្នកចាំទីល្អប្រចាំរដូវកាលនៅ Premier League ៤សម័យរូបនេះ នឹងក្លាយជាកីឡាករគ្មានតម្លៃខ្លួនផ្ទេរ និងត្រូវរង់ចាំសំណើពីក្លិបដទៃ ដើម្បីចូលរួមនារដូវកាលបន្ទាប់៕

Loading...

ពេញនិយម